港隊正在路上, 繼續加油吧!

香港足球分析 於 28/07/2022 發表 收藏文章
我特別想分享一下港隊在東亞盃最後一場比賽的觀後感。

今場港隊踢得不錯,踢出了跟球迷以往認知很不一樣的港隊風格。港隊在上半場用波都有點緊張,但下半場後防線有再壓前少少,一出場就有脫胎換骨的感覺,中場短傳好多時都能在壓力下找到隊友,比較能從後場組織上去,但如何在禁區製造威脅會係港隊未來一大課題。


梁冠聰 - 踢左後衛令人留下深刻印象,上半場防守到位,拼勁有餘。但用波方面真係有待加強,一係大腳清波,一係就傳波欠準。但下半場相對來講用波定了一些,傳波亦較少失誤,亦能透過左路傳中或角球幫港隊製造攻勢。雖然大佬已30歲,但仍希望他能亞州盃決賽週前,提升在壓力下傳球的準繩度,以及多練左路傳中,以減少傳中前的準備時間。

Source:https://eaff.com/
孫銘謙 - 可以說是港隊今場最佳球員,係前場有身體對抗能力,又控到波,又敢用波,又能同隊友配合到,算係激活了港隊左路。硬要指出提升的空間,就是作為左翼,比較少係禁區製造威脅,哪怕是突破至禁區或最後一傳至禁區。個人覺得孫銘謙今場過後係有好大機會得到中超球隊的垂青,當然希望他能以更大舞台為目標。

中場鐵三角,胡晉銘,陳俊樂,黃威,三人短傳配合幾好,黃威今天似有少少急,期待黃威可以發揮得更好,組織更多有威脅攻勢。

最後一句,港隊踢得好好,冀望球員們能以亞洲盃決賽週為目標,利用呢一年提升自己。
精華: https://www.youtube.com/watch?v=MQdxFV_CqE4

留言


請按此登錄後留言。未成為會員? 立即註冊
    快捷鍵:←
    快捷鍵:→