【字已印】阿迷於球衣印上馬列斯

球壇速遞 於 18/08/2016 發表 收藏文章
阿迷睇黎好鍾意馬列斯。話說有個阿仙奴球迷認為馬列斯必定會轉投阿仙奴,所以就印左馬列斯個名係件波衫度,仲要係印埋佢效力李斯特城個陣嘅26號。


唔知佢係真心定曲線喇,佢仲話好有信心馬列斯會黎阿仙奴,結果呢?

根據skysports今日嘅報導,馬列斯已經同李斯特城簽新合約,合約期去到2020年架。


代表住上屆兩位最佳球員華迪同馬列斯會繼續並肩作戰,其他嘅戰友好似卡斯柏舒米高、安迪京治同韋斯摩根等等都已經同球隊簽左新約。而另一邊箱阿仙奴如今正鬧緊中堅荒同前鋒荒,中堅只剩張伯斯同賀丁,中鋒仲要搵緊山齊士客串。

今週英超比賽雲加將會帶領阿仙奴作客去到李斯特城,見番當日有機會一齊並肩作戰嘅「偽 ‧ 新槍手」,我地就睇下到時馬列斯表現如何啦!
標籤: 馬列斯  阿仙奴  

留言


請按此登錄後留言。未成為會員? 立即註冊
  • 不凡 於 18/08/2016 評論 NO. 1

    雲教授認為做靚盤數比球隊成績更重要

快捷鍵:←
快捷鍵:→