舒爾利加盟多蒙特，簽下5年合約！

繼琴日簽下葛斯之後，多蒙特再有好消息！多蒙特正式宣佈，從德甲隊伍禾夫斯堡簽下舒爾利，合約為期五年，將會係八月開始返球會訓練。


呢位前車路士翼鋒係德甲嘅表現十分出色，174場比賽入面，攻入48球，仲有29個助攻！

多蒙特體育總監Michael Zorc都話：「舒爾利係一個進攻方面十分出色嘅德國國腳，同時係防守方面都做得唔錯！雖然佢只得25歲，但佢有豐富國際賽經驗，對於球隊黎講係十分重要，因為佢能夠更加完善球隊嘅進攻。」


呢次的確係絕佳嘅收購，舒爾利可翼可鋒，對多蒙特嘅進攻人手方面將會充裕好多。屆時有可能出現「多蒙特四劍俠」！

預計多蒙特攻擊線陣容：
前鋒：奧巴美揚
中場（左至右）：萊斯、葛斯、舒爾利

再加上，聽聞萊斯、葛斯、舒爾利三個都老友鬼鬼，默契應該都有番咁上下。雖然米希達恩同根度簡離開左球隊，但進攻嘅能力看似不減反增！

來源/譯自：http://www.thesportbible.com/football/transfers-breaking-borussia-dortmund-sign-andre-schurrle-20160722