【危危乎】帥位不穩?曼聯暫停同摩連奴續約!

球壇速遞 於 25/12/2017 發表 收藏文章
曼聯近期表現出現不穩情況,現距離曼城已有13分之差,幾乎肯定無緣爭冠,有傳曼聯亦開始思考續留主帥摩連奴嘅問題。據《鏡報》報道,曼聯球會方已暫延同摩連奴續約嘅事宜!

  

據《鏡報》嘅報導指,曼聯開始質疑摩連奴嘅執教能力,球會開始深思摩連奴係咪能夠帶領曼聯重新成為英超最強球隊。由於同市死敵曼城單單喺聯賽半季,已經豪奪18勝1和嘅驚人成績,似季今屆聯賽冠軍已經只毫無懸念,而摩連奴嘅帶領未能夠威脅到呢隊同市宿敵,因此暫時唔提供新合約俾佢。

同時,「實用派」嘅摩連奴,所推行嘅戰術亦令到曼聯高層裡面,一啲有話事權嘅人感到非常不滿。認為球隊踢法唔夠悅目。

球迷嘅睇法亦都認為摩連奴唔會長教曼聯。早前,《鏡報》發起嘅投票結果顯示,只有26%嘅球迷認為摩連奴可以執教曼聯超過5年。不過講真,多過兩年都算教得長架喇,睇番費格遜之後嘅領隊,有邊位可以教超過兩年吖。今季曼城又真係勁到離哂譜,其實今季拎唔到英超,都真係冇計嘅.......

來源:MIRROR

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Marjill
    Marjill 於 25/12/2017 評論 NO. 1

    摩佬已技窮

  • ztimtim
    ztimtim 於 25/12/2017 評論 NO. 2

    不能一視同仁,对繼續狀態低迷既盧卡古特別照顧

  • @michael@
    @michael@ 於 25/12/2017 評論 NO. 3

    啲人成日講摩佬技窮,見底,成績差?講真,唔係摩佬唔得,而係今季曼城太堅。曼聯而家排名都第二,人人都想第一,唔通人人都可第一?其餘的領隊/教練還有誰能保証帶領曼聯能比而家好?不能否認摩佬係保守但而家亦因為保守的戰術才贏了上年榮耀。盲反的人多的是,但就是不肯接受事實,曼城不只領先曼聯,而是拋離其他對手

  • wombat
    wombat 於 25/12/2017 評論 NO. 4

    其實摩佬又唔係教得差嘅, 只係希望越大失望越大。 尤其是魔二季, 仲要連尾燈都見唔到。 其實名次唔係最重要, 風格霸氣欠奉先係問題。

快捷鍵:←
快捷鍵:→