尋晚英超上演利曼紅藍大戰,比賽前當然人人集氣為利記打氣,期望破到曼城金身,但有睇波嘅人應該都睇淡利記。今年曼城攻力冠絕英超甚至5大聯賽。曼城今季入67球,比地上最強巴塞多15球,連豪花4億買前鋒ge P$G都只入59球,比曼城少8球。而利記防線跟本同中型班差唔多,都係一樣咁不穩咁豆腐。何解偏偏係利記破到曼城金身呢？
1.勤力搭救
利記防線廢,好在有中前場D工兵幫手。尋晚場波利記逼搶真心勁---費明奴壓到小禁區,而安利簡亦多次化解危機。張伯倫同韋拿杜姆壓前逼左右閘,而沙拿同文尼就玩死對面史東斯同奧達文迪。基本上一有曼城球員掂波就有2個紅衫招呼佢,令曼城傳球命中率減少,更會送禮。利記第2,3,4球都係逼到對方送禮後取得。由此可見逼搶可以幫助進攻。防守亦有受益,因為咁逼法曼城再無得用哥帥最灑家ge tiki taka戰術推無進。中場發電機迪布尼就仲慘,一拎到波就3個紅衫包抄,控多一腳都唔得,何況傳波...當地面攻勢受阻,曼城好多時都束手無策,只能等死球靠帶刀侍衛奧達文迪入波(好似對曼聯果次咁)。奈何紅軍高佬都比曼城多,馬迪普身高1米95,路夫蘭都有1米88。相反史東斯雖然有1米88但頂上功夫嘛嘛,帶刀侍衛奧達文迪只有1迷83,比馬迪普壓制住,所以就算有死球都無咩作為。
2.轉會窗影響
曼城係轉會窗無咩動作,而正因為無動作所以出事。曼城今季有4條戰線,但係用黎用去都係同一班人,球員畢竟唔係機器,都有攰ge時候,好似迪布尼粒電芯就差唔多用晒,史達寧同辛尼都係咁上下,而阿古路就係耶穌仔傷左之後場場擔正,都好攰(要知佢唔係利雲度夫斯基)。利記方面雖然入左雲迪克但係就傷左。咁有咩用呀？用處就係激發馬迪普ge鬥志爭正選。以前馬迪普係首選,依家雲迪克先係,而馬迪普就希望成為佢ge拍檔,所以好努力表現自己,期望繼續得到高普信任擔正。而古天奴ge離開都有好大影響。雖然紅軍頓失核心,但係其實都係一件好事。首先古仔係咪核心都唔知(古仔在陣勝率46%,不在陣71%)。第二利記ge強項並唔係持球傳送,而係勤勉逼搶同快速反擊,多左古仔呢D控球型球員反而會拖慢行軍速度。同紅軍球迷新寵張伯倫比較下: 古仔速度唔夠快,體力無咁好,防守果陣位置感不足,剷截能力亦唔夠高,所以張伯倫更適合高普現時ge逼搶突擊戰術(話說尋日張伯倫拎左Man of the Match)。
3.計實力喇...
牌面上利記係差過曼城(尤其後防),不過曼城ge後防踢落唔多穩陣,第2,3,4個失波都係咁。先有史東斯猶豫比費明奴走甩跟住笠死艾達臣,之後再有奧達文迪傳錯波比沙拿截到再交由文尼射入,最後就係艾達臣祖赫特上身解錯圍送大禮比沙拿。其實曼城亦有還擊之力,末段連追兩球就睇到啦。不過曼城後防實在太炸彈,相比之下紅軍今場咁有紀律ge防守同逼搶就略勝一籌喇。進攻方面曼城有大衛施華缺陣,少左一部發電機,而中路少左耶穌仔亦減慢左行軍速度。史達寧比羅拔臣壓制住,而辛尼就幾乎係唯一ge有效攻擊點。雖然祖高美斯都成日失位,但係有張伯倫幫手回防同右中堅馬迪普幫手都唔死得。返而最後曼城入過兩球都係黎至中路,令人懷疑米拿取代安利簡出任單防中ge可靠性。
不過點都好,利記贏波對爭取更高排名好重要(已壓過車仔升上第3),同時亦能挫曼城ge銳氣。不過最重要都係拿下後古天奴時代ge首勝,為球隊之後ge各條戰線打左支強心針,有助爭盃(足總盃仲有機會ge)。Anyway係到同各位利迷講聲:YNWA
1.勤力搭救
利記防線廢,好在有中前場D工兵幫手。尋晚場波利記逼搶真心勁---費明奴壓到小禁區,而安利簡亦多次化解危機。張伯倫同韋拿杜姆壓前逼左右閘,而沙拿同文尼就玩死對面史東斯同奧達文迪。基本上一有曼城球員掂波就有2個紅衫招呼佢,令曼城傳球命中率減少,更會送禮。利記第2,3,4球都係逼到對方送禮後取得。由此可見逼搶可以幫助進攻。防守亦有受益,因為咁逼法曼城再無得用哥帥最灑家ge tiki taka戰術推無進。中場發電機迪布尼就仲慘,一拎到波就3個紅衫包抄,控多一腳都唔得,何況傳波...當地面攻勢受阻,曼城好多時都束手無策,只能等死球靠帶刀侍衛奧達文迪入波(好似對曼聯果次咁)。奈何紅軍高佬都比曼城多,馬迪普身高1米95,路夫蘭都有1米88。相反史東斯雖然有1米88但頂上功夫嘛嘛,帶刀侍衛奧達文迪只有1迷83,比馬迪普壓制住,所以就算有死球都無咩作為。
2.轉會窗影響
曼城係轉會窗無咩動作,而正因為無動作所以出事。曼城今季有4條戰線,但係用黎用去都係同一班人,球員畢竟唔係機器,都有攰ge時候,好似迪布尼粒電芯就差唔多用晒,史達寧同辛尼都係咁上下,而阿古路就係耶穌仔傷左之後場場擔正,都好攰(要知佢唔係利雲度夫斯基)。利記方面雖然入左雲迪克但係就傷左。咁有咩用呀？用處就係激發馬迪普ge鬥志爭正選。以前馬迪普係首選,依家雲迪克先係,而馬迪普就希望成為佢ge拍檔,所以好努力表現自己,期望繼續得到高普信任擔正。而古天奴ge離開都有好大影響。雖然紅軍頓失核心,但係其實都係一件好事。首先古仔係咪核心都唔知(古仔在陣勝率46%,不在陣71%)。第二利記ge強項並唔係持球傳送,而係勤勉逼搶同快速反擊,多左古仔呢D控球型球員反而會拖慢行軍速度。同紅軍球迷新寵張伯倫比較下: 古仔速度唔夠快,體力無咁好,防守果陣位置感不足,剷截能力亦唔夠高,所以張伯倫更適合高普現時ge逼搶突擊戰術(話說尋日張伯倫拎左Man of the Match)。
3.計實力喇...
牌面上利記係差過曼城(尤其後防),不過曼城ge後防踢落唔多穩陣,第2,3,4個失波都係咁。先有史東斯猶豫比費明奴走甩跟住笠死艾達臣,之後再有奧達文迪傳錯波比沙拿截到再交由文尼射入,最後就係艾達臣祖赫特上身解錯圍送大禮比沙拿。其實曼城亦有還擊之力,末段連追兩球就睇到啦。不過曼城後防實在太炸彈,相比之下紅軍今場咁有紀律ge防守同逼搶就略勝一籌喇。進攻方面曼城有大衛施華缺陣,少左一部發電機,而中路少左耶穌仔亦減慢左行軍速度。史達寧比羅拔臣壓制住,而辛尼就幾乎係唯一ge有效攻擊點。雖然祖高美斯都成日失位,但係有張伯倫幫手回防同右中堅馬迪普幫手都唔死得。返而最後曼城入過兩球都係黎至中路,令人懷疑米拿取代安利簡出任單防中ge可靠性。
不過點都好,利記贏波對爭取更高排名好重要(已壓過車仔升上第3),同時亦能挫曼城ge銳氣。不過最重要都係拿下後古天奴時代ge首勝,為球隊之後ge各條戰線打左支強心針,有助爭盃(足總盃仲有機會ge)。Anyway係到同各位利迷講聲:YNWA
請按此登錄後留言。未成為會員? 立即註冊