利記的打比TAT

不知道⚽😂 於 11/12/2017 發表 收藏文章
首先講明,小編係利迷。不過尋晚打比點都要鬧...
和波原因都有幾個,而大家最關心既都係炸彈雲。係十二碼架喇唔駛嬲。其實路服蘭真係可以咩都唔駛做,果個位任射米勞列特都會救到(起碼有機),但對住12碼(仲要係朗尼射)就真係死得。所以呢個係好蠢既犯規(都好無必要)。
Err...仲有文尼lol...獨食!!!!明明有沙拿,張伯倫同蘇蘭基係隔離都唔傳自己射。某程度上比路夫蘭更令我地激氣。前線球員應該好清楚唔入夠兩三粒唔可以鬆懈架啦!文尼果腳真係......只能說比路夫蘭更抵打。
第三就係大Sam大巴陣。當朗尼同施古臣都係閘位既時候可想而知拖肥真係無攻勢之餘縮得好後,利記D射門就局住禁區外,對於無古天奴既利記係好不利(無得用古一招)。利記並無高大前鋒,主要靠地面進攻。禁區越多人利記就越難傳波,所以中龍既射門少到23shots得3中。
最後一樣野...無前鋒。睇下我地利記落後果陣出咩?費棉奴,工兵一隻/古天奴,playmaker/丹尼艾格斯,踢開U23既小將。。。點解無一個真•射手?望下阿記個銀河唯一基奧特,曼城有阿古路耶穌仔,曼聯都有拉仔同伊巴,車仔後備既巴舒亞伊都算係正宗前鋒,係利記無呢類人!連般茅都有迪科爾打救TAT......高大or純正射手係利記依家第二需要既野(第一係人都知唔駛多講啦…後防...)。
呢次打比既失敗正正繼0:0曼聯一戰(and 1:1車仔)顯示利記既死穴---破唔到大巴陣...希望高普好好改善入個真射手同有經驗既後衛,唔該晒。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • cesteric 於 11/12/2017 評論 NO. 1

    史毒咪射手囉

  • wombat 於 13/12/2017 評論 NO. 2

    呢篇嘢真係好淺

快捷鍵:←
快捷鍵:→