疫情當前 英超應唔應該直接頒冠軍比利物浦

足球航空 於 13/06/2020 發表 收藏文章
今個月足球快報就整左一個辯論節目,
講英超應直接頒冠軍給利物浦,
你或者我其實都好明顯知道只係快樂辯論兼吹水,
咁不如就等我講下,究竟英超應否直接頒冠軍給利物浦。


要審視呢條辯題,首先要審視翻辯題背景,
英超賽會因應武漢肺炎,於3月13號宣布停賽,
當時踢左29場嘅利物浦以82分遙遙領先排第二取得57分嘅曼城,
停賽前利物浦亦都只喺英超落敗過一場,奪冠形勢大好。


由於武漢肺炎依然係世界各地橫行,所以有球迷建議直接頒冠軍比利物浦,
並按現時排名定下年邊隊擁有歐洲賽資格,
而直接頒冠軍比停賽前第一位,並非係英超球迷憑空臨出,
法國政府四月宣佈,19至20年所有職業體育賽季要提前結束。

法國足總隨即宣佈法甲及法乙賽季腰斬,
並且由當前積分榜榜首PSG贏得法甲冠軍,
雖然做法引起爭議,但好似法國足總並冇臨法要推翻決定。

我認為其實英超足總終究只有兩個選擇,分別係:

1復賽,並加埋復賽後積分決定最終冠軍,
2唔復賽,直接將冠軍頒比榜首,

不妨等我地仔細睇清楚兩個方案的利與弊。


首先第一個方案係復賽,並加埋復賽後積分決定最終冠軍,
呢個係現實英超賽會決定的方案,復賽後利物浦基本上能夠毫無疑問奪冠,
但一定有反利球迷表示,一日未打都無人知道結果,
有可能利物浦會輸灑接落黎所有比賽之後比曼城反超。
講法十分之荒謬同可能性低,但假若復賽之後利物浦贏左兩場比賽,
利物浦先算係名符其實嘅冠軍。

如果使用二號方案直接腰斬聯賽,頒比利物浦,
連帶腰斬聯賽絕對會引申大量問題,
包括升降班,球隊歐洲賽資格,
並且會係後世俾人認為係並非一個100%冠軍。


雖然我覺得大家審視呢個辯題唔應該咁主觀,
我係一個曼聯球迷,你講咩話利物浦以前輝煌成績其實我真係唔想知,
唔應該話咩歷史第一個英超冠軍,最客觀咁睇成件事先正確

其實利物浦今季表現真係有目共睹,
並且絕對係配取得英超冠軍,高普熱血執教,雲迪克強勁防守,
兩閘協助攻防,三叉強勁進攻,
所以就算復賽定腰斬都99%係利物浦贏。
所以其實我認為利物浦球迷並不需要過分擔心,贏多兩場之後
就可以毫無爭議下咁奪冠。
後世反利球迷留下印象並非因腰斬而奪得冠軍嘅利物浦,
而係曾經取得英超冠軍之一嘅隊伍。

所以最需要擔心只不過係疫情嘅問題,但現時五大聯賽之一嘅德甲已經復賽,
流程都非常順利。所以基本上球迷並不需要過份擔心。


最後想講雖然球迷快報呢個辯論節目好明顯只係快樂辯論,
但有部分位置都要講,

第一樣野係邏輯上,係正方主辯發言陳述論點先先,之後先到反方主辯。

第二:第二個環節應該唔係叫質詢,應該係叫自由辯論,
因為質詢無記錯係質詢方係一段時間內可以不斷發問,
質詢方係時間內可以打斷被質詢方回答,而回答方都唔可以反問返質詢方。

所以當時影片中比較似係自由辯論,一邊講之後令一邊回應,即係平時吹水咁。

咁其實都唔係太過重要,大概係咁啦lol
睇完呢遍文嘅你,鍾意嘅話記住like同埋share,
記住開post notification啊。
你一個小小嘅舉動可以令到我地文章更多人睇,
如果有咩意見或者問題,
都絕對歡迎你系下面留言或者dm我地
交流一下或者糾正我地嘅錯誤,
感謝大家!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→