歐霸四強後防大爆炸? 淺談曼聯四個問題

足球航空 於 17/08/2020 發表 收藏文章
琴晚曼聯就係歐霸盃四強對左西維爾,二比一落敗左。我認為依個比數都係預料之中,但係直播睇緊嘅時候,曼聯呢場波其實應該要贏。但事實上,就係輸左,我地都要接受。咁亦都因為係咁,曼聯嘅問題亦都更加明顯,並且必須正視,就咁等我地睇下,究竟曼聯有邊四大問題。


首先,蘇斯克查嘅用人問題
我覺得個好嘅領隊應該信任佢嘅球員,尤其是當佢完全冇犯過錯誤。蘇斯克查喺四強突然棄用羅美路,轉用迪基亞,唔單止對羅美路唔公平,賽前史高斯都認同要出羅美路。個人認為仲會影響到更衣室內嘅氣氛。唔係話羅美路會搞事,係話緊啲後備球員。宜家羅美路已經楚左接近成個賽季嘅冷板凳。雖然就話後備深度不足,但如果班後備球員慢慢有上場證明到自己,都係唔會俾人用咁嘅心態,一個二個想打正選嘅心態都冇,馬達打cam係唔差,而等等幾個好似恩哈路都有一定實力,應該有蘇斯克查用人已經唔算果斷,而如果最後蘇斯克查冇人用,只能怪佢自己。


而事實上蘇b係開賽前表示,佢覺得迪基亞係訓練中表現得好好,同埋上次2018年對西維爾有好表現,並且表達出羅美路嘅失望。
‘David looked really good in training. He also made a few saves against Sevilla in the last tie (in 2018). Sergio is disappointed but he’s a tough professional.’

如果唔好聽咁講,其實羅美路現時情況真係畀人用完即棄,無論係上場足總杯同聯賽盃四強,抑或今場,係收起美路情況下,都係以落敗為結。現實往往係殘酷,我自己正正係以前校隊踢輪替龍門位置,所以真係好明白後備龍門嘅心態,我地雖然明白正選比我地好,但我地都希望可以有出場機會,同埋受到教練尊重,有時可以上場表現自己,單純證明自己唔係黎湊人數,而係可以為球隊貢獻。


而羅美路正正之前都有離隊傳聞,相信羅美路會為自己作出最好決定。

第二,蘇斯克查嘅換人問題
呢一點我諗大家都知道係一個好嚴重嘅問題。正常一個領隊唔係踢到好順嘅話,換人調動呢啲應該係一早60至70分鐘換第一個人。咁當蘇斯克查認為和緊波,唔需要換人,繼續踢落去,


咁到咗78分鐘我哋輸第二球。係咪應該即時作出調動?我哋剩返10分鐘,需要有體力嘅球員去爆,佢就去到86分鐘先換,俾埋補時你,都係剩返8分鐘,你估我哋啲後備係利雲度夫斯基咩。係一點上面,我哋可以見到蘇斯克查嘅心態,仍然非常古代,佢認為個個都係好似佢咁一個後備殺手,如果蘇斯一查跟唔上時代, 繼續咁樣八十幾分鐘先換到一次人,你係咪真係想贏波啊。

第三,戰術問題
我覺得曼聯嘅戰術,由Bruno 嚟到,都係以控球為主嘅戰術。但係我哋係咪需要更多嘅戰術,全季我地到底見到幾多次4231?我見到蘇斯克查作出左嘗試,對車路士使用343,但效果不明顯。直到而家,佢使用第三個戰術,就係三叉調動,指揮不清楚,所以成日見到拉舒福特,迫埋左去中間唔知想點,前線成日都攬埋一舊。


仲要呢個改變係80分鐘先開始。我覺得依啲咁嘅前線調動,絕對係有用,但係係需要90分鐘咁調,目的係想拆散對面嘅防線,搵空間射波。其實呢個都唔算係戰術,我認為蘇斯克查同埋教練團隊,需要今個暑假來諗出第二或第三個戰術,先有機會衝擊歐聯八強或者更好成績。



第四,球員問題
琴晚場波,可以話兩球都係球員問題,我就唔將矛頭指向邊個。但我認為我哋中堅係需要增強,前線需要一個。以及琴日可以看見威廉斯同埋雲比沙卡,經常失位嘅情況,即係沖完上去,回放嘅時候經常性咁忽略咗對方嘅存在,令人成日都搵到空間進攻,

第一球就全世界只係望住個波,之後威廉斯注意到後面有人但就去左幫馬古尼補位置,之後後面就空到可以放牛,威廉斯知道衰嘅時候已經一個傳中波傳入黎,咁就比人追和,無人包底,呢個已經係防線好大問題。


就以第二球為例子,正正係雲比無mark實,個波一掉入去,之後連迪路夫幾秒時間比你預判,但跳起就當mark左,雲比就仲誇張,眼白白望住失波,咁樣就目送對面晉級。而前幾場都有出現另一邊威廉斯比人針對性處理,馬古尼同連迪路夫係關鍵時間依然派牌,究竟幾時先可以令到球迷覺得條防線穩健。

雖然話曼聯呢排真係打得唔好,琴日蘇斯克查嘅表現,又令人失望,但希望大家唔好咁激動,始終我哋歐聯蓆位,柳暗花明又一村,蘇斯克查希望可以係失敗中成長,帶領球隊下季有好表現。


睇完呢遍文嘅你,鍾意嘅話記住like同埋share,
記住開post notification啊。
你一個小小嘅舉動可以令到我地啲文章更多人睇,
如果有咩意見或者問題,
都絕對歡迎你系下面留言或者dm我地
交流一下或者糾正我地嘅錯誤,
感謝大家!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→