佐藤壽人J1金球

買了新一期內田篤人做封面的SOCCER DIGEST，想着要看多一點亞洲杯的資料，誰知剛好公佈雜誌編採部評選2014年J1最佳入球（仲送埋DVD添！）一睇再睇之下，少年F這日的工作計劃又泡湯了。

嘩！雙冠軍！？少年F以為D咁老土既事香港只此一家，點知日本都係咁‥‥分別是佐藤壽人的轉身衝力射球，以及西大伍的接應角球窩利。雖說西大伍這球是J LEAGUE官方評選的年度金球，但你雜誌也不用如此賞面吧。總之，由F評選的J1金球，去片！

https://www.youtube.com/watch?v=_kDwl-nioJc&feature=youtu.be
解說
J1第2節：廣島三箭 2-1 川崎前鋒 / 57分鐘
藝術成份三層樓咁高的入球。話說青山敏弘突然將球塞入禁區，佐藤壽人背着後衞，將波唧高後隨即轉身，左腳窩利拉西。飛上幾層樓咁高的射門，好像被龍門吸住了一樣，在球門前墜落直插網窩。

計上這球，佐藤壽人已經是連續兩年得到SOCCER DIGEST最佳入球的授賞，今年更是入圍FIFA普斯卡獎十強名單。好像有點高峰已過的感覺，但佐藤壽人射門觸覺還是J1頂級，跑動能力也維持在高水平，F有點希望看到他在亞洲杯出場呢，特別是日本隊假如老鼠拉龜的時候‥‥