[球筆著地] 爆冷?其實一啲都唔冷。

球筆著地 於 20/06/2018 發表 收藏文章
世界盃16場首戰,看似有好多出人意表賽果,筆者睇足1440分鐘,發覺機動性及對抗性先係皇道。

踢盃賽唔同踢聯賽,最重要係有分落袋而唔係贏波大勝。
要出線16強,分組賽3戰拎4分係基本保險線。尤其係面對有一枝獨秀嘅熱門隊組別,作為較弱一方,當然要搶得一分為目標。

有球星壓陣嘅球隊當然會畀視為熱門,但現代足球,絕大部分被奉為球星嘅都係個人技術超然嘅天才球員,而唔係高效率球員。

令我最深刻嘅一場,唔係阿根廷和波、德國輸或者巴西被迫和,而係法國對澳洲!
(網上圖片)

我可以話,法國個場波全取3分係非常僥倖!澳洲搶唔到1分實在可惜。
法國係捧盃熱門,但正選三箭頭:基沙文、麥巴比、丹比利, 三個正正係我所講嘅天才球員,有速度有技術,但略嫌對抗性欠奉,成場波面對迫搶、密集嘅大隻佬澳洲,一無是處,全場法國只有8次射門,亦都要靠12碼先開紀錄。
當然最終由普巴後上射入致勝一球,但澳洲的確守得非常好。 值得一讚。

再套用返呢個說法落幾隊強弱對碰,

冰島當然踢出代表作,極機動防守反擊踢法,但個人認為阿根廷今屆稱唔上強隊,攻不銳守不穩,只要凍結美斯已經贏得一半。

墨西哥,高位迫搶兼快速反擊, 德國又太多playmaker,得個搓字又撕唔破墨西哥防線。

瑞士,同樣快速迫搶仲加多啲辣味,只要巴西前場球員一拎波就有人埋身。

其實埃及首戰對烏拉圭同樣用呢個壓迫套路,但只係臨完場功虧一簣。

嚟緊分組賽不妨留意一下呢啲Underdog 球隊,睇防守絕對同睇入波一樣咁嘆為觀止!

如果喜歡我們的文章,請即分享到︰

標籤: 世界盃  underdog  Russia2018  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→