英超8月13號開鑼，個個都話今年英超可能係歷屆最激烈，咁究竟有啲咩咁值得我地留意呢？係度先列出五項焦點比大家留意定先！
１）李城衛冕之路
好多人都覺得上季李斯特城拎到英超係充滿驚喜，我就覺得最大嘅意義係，佢能夠打破到英超列強壟斷嘅局面。其實假若屆屆英超都係個幾隊玩，咁就冇意思啦！突然間有幾隊黑馬彈出黎，爭一日之長短，其實我哋球迷都會睇得開心啲架！最重要係，當黑馬份子實力提升嘅時候，變相就令到一眾列強開始求變，求進步。就好似換帥、收購重量級球員呢啲舉動其實係今季多咗好多，唔係英超競爭大咗，都唔會出現呢啲舉動啦。
而今季李斯特城要面對嘅唔單止係列強嘅來犯，仲有就係自己球隊嘅狀況，都好影響到佢地嘅成績。雖然雲尼亞里係幫助球員士氣個度係好有經驗，但係始終今年要面對歐聯嘅負擔，其實對球員係比賽量嘅負荷係重左好多。再睇下李斯特城嘅兵源，其實同上年差唔多。尤其係出售簡迪之後，替補佢位置嘅球員的確冇佢有咁勁嘅球場覆蓋度，係熱身賽可見一班。所以今季李斯特城嘅位冕之路，好惡搞........
２）雲加執教阿仙奴20周年冀奪冠，摩連奴做攔路虎？
今個球季將會係雲加執教阿仙奴嘅第二十個球季，但係近十二個球季都未能帶領球隊重奪英超冠軍，阿仙奴係雲加嘅帶領下，貌似有向下走嘅趨勢。雖然上季打破宿命奪得亞軍，但係同冠軍李斯特城相距超過十分。而同時只係在最尾一輪超過同市死敵熱刺，呢個亞軍唔係太有說服力。
不過，雲加已經年屆66歲，同阿仙奴只剩下一年合約，亦有傳出年之後雲加就會轉任球會管理層，我諗佢都希望係執教生涯嘅尾段重奪英超冠軍嘅。而相信一眾子弟兵都希望趁住雲爺爺執教二十周年，送番份禮物比佢。之不過，要成功重奪英超冠軍，都要過到摩連奴個關。話說雲加對摩連奴總勝率只係得７％。今年死敵曼聯仲要有咁多重量級收購，呢份禮物送唔送得出，就睇一眾子弟生唔生性，能唔能夠擊敗一眾列強喇！
３）普巴需要證明自己的價值？
今個夏天嘅標王......................係未誕生嘅，夏季轉會窗始終仲未完結，仲有可能有更高嘅收購。但暫時黎講，普巴今次轉會曼聯，除左暫時成為今個夏天最高嘅轉會費紀錄，仲係有史以來最高嘅轉會費紀錄。一個23歲嘅球員揹住呢份身價，其實都十分具壓力，尤其係一眾曼聯球迷對佢嘅期望，同埋輿論壓力。老老實實，的確有人認為普巴唔值呢個價錢。所以，以普巴唔肯認輸嘅性格，佢一定會係今季證明自己實力，反駁天下間質疑佢嘅人。
好多人都話，「就算一個球員拎左幾多冠軍，踢得幾好都好，冇係英超證明過自己都唔算係好球員。」但講開又講，識計數嘅話，普巴以呢個年齡，加上佢自己冇試過大傷，其實當打嘅時間可以好耐。曼聯究竟呢次交易值唔值呢？除左睇實今季之外，仲要睇埋佢之後嘅表現架！
４）伊巴最後探戈？
年屆35歲嘅「呂布」，今季將會係佢第一季踢英超。英超未必係技術含量最高嘅比賽，但佢就一定係節奏最快，埋身最多嘅一個聯賽。雖然伊巴係頂級中鋒就係人都知，不過佢的確未踢過英超，究竟能唔能夠咁快適應到呢？
係社區盃呢場比賽，見到伊巴係現今曼聯陣式中嘅單箭頭，主力做「Target Man」嘅角色，同之前係巴黎逗番落黎做波有啲分別。形式上，依家係有啲似阿仙奴嘅基奧特。對於伊巴黎講，其實能夠專心做「Target Man」，負擔係會少左，亦都幫到佢更加快去適應英超。依家伊巴係陣中甚至成為左副隊長，係新嘅精神領袖。35歲之齡，能唔能夠係職業生涯尾聲，一嚐英超冠軍滋味呢？睇實今季曼聯嘅比賽就知道喇。
５）對，確實有一場「干」「哥」
最尖銳嘅茅，對最堅固嘅盾，一定係今季最精采嘅對決。最堅固嘅盾，就係干地。干地擅守，著重先佈防，後侍機反撲。睇意大利國家隊嘅比賽就知佢有幾擅長呢一種戰術（呢個亦都係意大利藉領隊最普遍嘅踢法）。另一邊廂，最尖銳嘅茅，就係哥迪奧拿。係帶領巴塞同拜仁嘅時候，所實行嘅控球戰同高位反搶都係所向披靡。
不過，依家控球已經唔係無敵嘅戰術，更多球隊為應付控球踢法嘅球隊，甚至「棄控」，以高速反擊撕破對方防線。從李斯特城上季嘅成功就足以引證到呢一點。哥帥究竟係會有新戰術帶出黎？抑或堅持自己個套呢？依家我比唔到答案你，睇實英超就會知道啦！
仲有好多焦點架，一篇文就梗係講唔哂，要你地自己睇啦！英超就黎開鑼，未裝嘅拿拿聲整埋佢啦。我之前自己都用開「NOW」呢個台，其實如無意外都會續約架喇。要跟貼每一場波，首先就要每一秒鐘嘅畫面都唔可以錯過嘛！作為一個真 ‧ 球迷，睇波最緊要係唔會窒，訊號夠穩定，畫面夠清唔會delay。起碼個人經驗黎講，NOW可以話係配得上佢個名，播波絕對係「現在」式，亦都係「有速度，幾夠快，唔會慢！」你俾我都唔想個Friend睇緊入波片段，嗌左出聲，你仲問緊佢發生咩事架，係咪？仲諗！？！！拿拿聲決定喇！
１）李城衛冕之路
好多人都覺得上季李斯特城拎到英超係充滿驚喜，我就覺得最大嘅意義係，佢能夠打破到英超列強壟斷嘅局面。其實假若屆屆英超都係個幾隊玩，咁就冇意思啦！突然間有幾隊黑馬彈出黎，爭一日之長短，其實我哋球迷都會睇得開心啲架！最重要係，當黑馬份子實力提升嘅時候，變相就令到一眾列強開始求變，求進步。就好似換帥、收購重量級球員呢啲舉動其實係今季多咗好多，唔係英超競爭大咗，都唔會出現呢啲舉動啦。
而今季李斯特城要面對嘅唔單止係列強嘅來犯，仲有就係自己球隊嘅狀況，都好影響到佢地嘅成績。雖然雲尼亞里係幫助球員士氣個度係好有經驗，但係始終今年要面對歐聯嘅負擔，其實對球員係比賽量嘅負荷係重左好多。再睇下李斯特城嘅兵源，其實同上年差唔多。尤其係出售簡迪之後，替補佢位置嘅球員的確冇佢有咁勁嘅球場覆蓋度，係熱身賽可見一班。所以今季李斯特城嘅位冕之路，好惡搞........
２）雲加執教阿仙奴20周年冀奪冠，摩連奴做攔路虎？
今個球季將會係雲加執教阿仙奴嘅第二十個球季，但係近十二個球季都未能帶領球隊重奪英超冠軍，阿仙奴係雲加嘅帶領下，貌似有向下走嘅趨勢。雖然上季打破宿命奪得亞軍，但係同冠軍李斯特城相距超過十分。而同時只係在最尾一輪超過同市死敵熱刺，呢個亞軍唔係太有說服力。
不過，雲加已經年屆66歲，同阿仙奴只剩下一年合約，亦有傳出年之後雲加就會轉任球會管理層，我諗佢都希望係執教生涯嘅尾段重奪英超冠軍嘅。而相信一眾子弟兵都希望趁住雲爺爺執教二十周年，送番份禮物比佢。之不過，要成功重奪英超冠軍，都要過到摩連奴個關。話說雲加對摩連奴總勝率只係得７％。今年死敵曼聯仲要有咁多重量級收購，呢份禮物送唔送得出，就睇一眾子弟生唔生性，能唔能夠擊敗一眾列強喇！
３）普巴需要證明自己的價值？
今個夏天嘅標王......................係未誕生嘅，夏季轉會窗始終仲未完結，仲有可能有更高嘅收購。但暫時黎講，普巴今次轉會曼聯，除左暫時成為今個夏天最高嘅轉會費紀錄，仲係有史以來最高嘅轉會費紀錄。一個23歲嘅球員揹住呢份身價，其實都十分具壓力，尤其係一眾曼聯球迷對佢嘅期望，同埋輿論壓力。老老實實，的確有人認為普巴唔值呢個價錢。所以，以普巴唔肯認輸嘅性格，佢一定會係今季證明自己實力，反駁天下間質疑佢嘅人。
好多人都話，「就算一個球員拎左幾多冠軍，踢得幾好都好，冇係英超證明過自己都唔算係好球員。」但講開又講，識計數嘅話，普巴以呢個年齡，加上佢自己冇試過大傷，其實當打嘅時間可以好耐。曼聯究竟呢次交易值唔值呢？除左睇實今季之外，仲要睇埋佢之後嘅表現架！
４）伊巴最後探戈？
年屆35歲嘅「呂布」，今季將會係佢第一季踢英超。英超未必係技術含量最高嘅比賽，但佢就一定係節奏最快，埋身最多嘅一個聯賽。雖然伊巴係頂級中鋒就係人都知，不過佢的確未踢過英超，究竟能唔能夠咁快適應到呢？
係社區盃呢場比賽，見到伊巴係現今曼聯陣式中嘅單箭頭，主力做「Target Man」嘅角色，同之前係巴黎逗番落黎做波有啲分別。形式上，依家係有啲似阿仙奴嘅基奧特。對於伊巴黎講，其實能夠專心做「Target Man」，負擔係會少左，亦都幫到佢更加快去適應英超。依家伊巴係陣中甚至成為左副隊長，係新嘅精神領袖。35歲之齡，能唔能夠係職業生涯尾聲，一嚐英超冠軍滋味呢？睇實今季曼聯嘅比賽就知道喇。
５）對，確實有一場「干」「哥」
最尖銳嘅茅，對最堅固嘅盾，一定係今季最精采嘅對決。最堅固嘅盾，就係干地。干地擅守，著重先佈防，後侍機反撲。睇意大利國家隊嘅比賽就知佢有幾擅長呢一種戰術（呢個亦都係意大利藉領隊最普遍嘅踢法）。另一邊廂，最尖銳嘅茅，就係哥迪奧拿。係帶領巴塞同拜仁嘅時候，所實行嘅控球戰同高位反搶都係所向披靡。
不過，依家控球已經唔係無敵嘅戰術，更多球隊為應付控球踢法嘅球隊，甚至「棄控」，以高速反擊撕破對方防線。從李斯特城上季嘅成功就足以引證到呢一點。哥帥究竟係會有新戰術帶出黎？抑或堅持自己個套呢？依家我比唔到答案你，睇實英超就會知道啦！
仲有好多焦點架，一篇文就梗係講唔哂，要你地自己睇啦！英超就黎開鑼，未裝嘅拿拿聲整埋佢啦。我之前自己都用開「NOW」呢個台，其實如無意外都會續約架喇。要跟貼每一場波，首先就要每一秒鐘嘅畫面都唔可以錯過嘛！作為一個真 ‧ 球迷，睇波最緊要係唔會窒，訊號夠穩定，畫面夠清唔會delay。起碼個人經驗黎講，NOW可以話係配得上佢個名，播波絕對係「現在」式，亦都係「有速度，幾夠快，唔會慢！」你俾我都唔想個Friend睇緊入波片段，嗌左出聲，你仲問緊佢發生咩事架，係咪？仲諗！？！！拿拿聲決定喇！
請按此登錄後留言。未成為會員? 立即註冊