雲加：我害怕退休 精選

阿仙奴領隊雲加合約將在今季季尾完結，佢係阿仙奴嘅前景仍然未確定。另外，佢亦堅持自己一套，認為領隊應該將球會資金視為自己錢。

雲加已經66歲，十月份，將會慶祝佢係阿仙奴嘅第二十年。但似乎雲加仍然未有退休打算，因為佢害怕佢唔能夠填補心中，生命入面冇左足球嘅呢份空虛。

阿仙奴對上一次拎英超冠軍，已經係12年前嘅事。雲加依家正面對龐大嘅壓力，力圖帶領球隊打破12年未能奪聯賽冠軍宿命。而佢亦未打算係下個夏季前決定繼唔繼續佢係阿仙奴嘅執教生涯。
阿仙奴呢隊波，上個夏季轉會窗唯一一隊冇收購除龍門以外嘅任何球員。今個夏天，仍然未能成功追求到「即食」的新前鋒同中堅。而雲加呢個領隊，都常常因為佢被認為唔肯斥巨資收購球員而令阿迷苦惱，但佢堅持覺得呢個做法，為球隊小心洗錢，係正確嘅決定。

雲加話：「我自己覺得，作為一個領隊，要用球會錢用到好似係自己錢咁，先至可以避免犯錯。尤其係當你做緊一個重大決定，而你感覺自己就係呢間球會嘅老闆，先可以完全地以球會角度出發。因為若然你唔咁做，球會唔會走得遠。」