【好波浚仔】戴偉浚EFL後備上陣　攻入加盟貝利第一球！ 精選

好消息！香港小將戴偉浚終於攻入佢第一個入波喇！日前，英格蘭聯賽錦標嘅賽事入面，戴偉浚喺下半場後備入替，結果入替無幾耐就射入一球，係佢加盟貝利第一個入波！可惜嘅係，佢效力嘅貝利最終以二比三不敵費列活特。


浚仔今場先列後備，半場時球隊落後至一比二，更衣室出番嚟，浚仔就隨即入替球隊前鋒漢臣。雖然下半場初段貝利再失一球，但浚仔被換入十分鐘即更效，貝利於進攻左路傳中，對方門將奇恩斯撲出不遠，浚仔上前一射入網，替球隊追成二比三！呢球亦都係佢效力貝利嘅第一個入波！




浚仔喺佢嘅社交平台都有分享今次入波嘅感受，提到「Not the result we wanted but happy to get my first goal 」，意思係雖然賽果並非如佢哋所想，但能夠入到第一個入波都相當興奮。小編喺度祝願浚仔繼續努力，快啲攻入第二球，越踢越有！