【別信謠言】施華帽已綠?BB親生老豆係史達寧? 簡單兩點擊破謠言!

森美爾足球勝地 於 03/01/2018 發表 收藏文章
曼城中場大衛施華近期經常缺陣,背後究竟有咩原因呢?係轉會?定係家庭原因呢?偏偏喺今日,就有人喺twitter寫咗一則貼文,講到施華竟然唔係自己新生BB嘅親生老豆,經手人竟然係..............史達寧!?到底究竟發生咩事呢?

loading

香港時間今天凌晨,一名twitter用戶BaguetteFC喺佢個人帳戶,似層層咁寫出有關報導:「西班牙嘅報導指出,施華嘅老婆生咗了一個有膚色嘅BB,並詢求同施華離婚!與此同時,有英格蘭嘅報導話,施華直接面對史達寧,懷疑史達寧係BB嘅親生爸爸。」直至現時為止,呢個post已經有超過3400個share,並引嚟近300人嘅留言!

簡單兩點擊破謠言

到底係咪真有其事呢?簡單兩點已經可以擊破呢個謠言!首先,睇吓呢個twitter account就知呢個消息嘅真確性有幾高。BaguetteFC嘅自我介紹上面寫,「Sports Comedian」、「Satire」、「Should not be taken seriously」,只係純粹搞笑,仲叫人唔好認真。明顯地,呢個所謂嘅新聞只係佢純粹「搞笑」咁作出嚟。

其次,再翻查近日西班牙同英格蘭兩地傳媒究竟有冇相關新聞,一search之下根本冇任何新聞提到施華「帽已綠」。有關嘅新聞報導都係正常足球新聞,亦有關施華缺陣,不過原因純粹係家事喳!因為施華嘅太太喺陀B期間身體抱恙,所以呢位好老公先至陪老婆返西班牙休息同療養吓喳。所以大家千其唔好當真,亦都唔好再share出去喇(小編幾個Whatspp Group都有朋友share緊...)!

▲  哥帥對大衛施華嘅缺陣表示支持!

哥帥無限量支持

而哥帥亦都對施華嘅缺陣表示支持,哥帥話:「家庭先緊最緊要!如果佢需要嘅話,可以再返去西班牙架,就算因為冇咗佢而失分,都唔緊要。」有哥帥嘅無限量支持,施華呢個好老公放心陪老婆啦!

資料參考:manchestereveningnewsmetro
標籤: 施華  帶綠帽  

留言


請按此登錄後留言。未成為會員? 立即註冊
  • Fan Lau 於 04/01/2018 評論 NO. 1

    黑色肌膚給他的意義

  • @michael@ 於 04/01/2018 評論 NO. 2

    失分唔緊要?🤔試下吧?輸多兩你會唔跳制?😂

快捷鍵:←
快捷鍵:→