【綠牌第一人】意乙成為出現首張綠牌的職業聯賽！ 精選

依家球證比牌，你可能會好想收。球證嘅牌，都再唔淨止係黃與紅。早前就新增咗綠牌呢樣野，而日前，終於係意乙出現第一張綠牌，亦都係眾多職業聯賽入面嘅第一張，可謂意義重大。

https://www.facebook.com/legaserieb/videos/1224117970993871/


事發係日前嘅意乙聯賽，由維琴察對恩特拉，當時維琴察以一比二落後。而片段可見，前鋒加蘭奴射門出界，卻被球證誤以為係省中對方後衛，所以判咗角球。恩特拉球員有去同球證理論，但加蘭奴更加係誠實地，同球證講係自己射出界，令球證改判龍門球。球證為咗鼓勵加蘭奴，亦出示綠牌比佢，以表嘉許。
綠牌係為咗鼓勵公平競技同體育精神而設，賽季完結後亦會遴選出公平競技獎。相信呢張看似簡單嘅綠牌，某程度上係可以推高整個聯賽嘅道德水平。係不利消息籠罩嘅意大利聯賽底下，亦好可能係扭轉低潮期嘅契機。

來源：http://sportske.jutarnji.hr/nogomet/serie-a/revolucija-u-nogometu-i-to-se-dogodilo-prvi-put-u-povijesti-pokazan-zeleni-karton/5020814/