足球比賽最能夠牽動人心嘅地方，莫過於90分鐘嘅等待，而到最後一刻，球隊能夠憑住一個入球奠勝。所以點解有人話，睇波呢件事，可能會悶足90分鐘，但係會換來最刺激同最陣憾嘅一剎那。
要數近年最震憾人心嘅入球，相信一定會記起今屆歐國盃決賽，法國對葡萄牙。葡萄牙去到加時階段憑住艾達嘅入球以1比0擊敗法國。呢球真係好難忘，原因係見到C朗比賽早段傷出嘅神情哀痛，再加上葡萄牙一路比法國攻，一路見到C朗係場邊嗌，令我不禁憶起足球嘅熱情。睇呢場波之前，真係好耐冇見過咁熱血嘅場景。
對上一次咁刻骨銘心嘅場景，一數就數到98年。當時世界盃8強太戰，荷蘭對阿根廷。呢場波星光熠熠，阿根廷有巴迪斯圖達、施蒙尼、艾耶拉等主將，而荷蘭就有柏金、雲達沙、古華特等球星壓陣。最後下半場44分鐘柏金接應長傳一控一扣，再腳面彈個波入網，二比一淘汰阿根廷，進身四強。呢球真係永世難忘，皆因呢場波可算係我童年岩岩學識睇波個陣嘅一場波。亦都係因為呢一球，我鍾意左呢一樣咁引人入勝嘅運動—足球。
足球之所以引人入勝，就係呢一份熱情，但願日後足球能夠稍稍拋開戰術與體能，讓我地搵得番有球味，有個人特色同長處嘅足球員。
https://www.youtube.com/watch?v=vbgcepT8fjA
要數近年最震憾人心嘅入球，相信一定會記起今屆歐國盃決賽，法國對葡萄牙。葡萄牙去到加時階段憑住艾達嘅入球以1比0擊敗法國。呢球真係好難忘，原因係見到C朗比賽早段傷出嘅神情哀痛，再加上葡萄牙一路比法國攻，一路見到C朗係場邊嗌，令我不禁憶起足球嘅熱情。睇呢場波之前，真係好耐冇見過咁熱血嘅場景。
對上一次咁刻骨銘心嘅場景，一數就數到98年。當時世界盃8強太戰，荷蘭對阿根廷。呢場波星光熠熠，阿根廷有巴迪斯圖達、施蒙尼、艾耶拉等主將，而荷蘭就有柏金、雲達沙、古華特等球星壓陣。最後下半場44分鐘柏金接應長傳一控一扣，再腳面彈個波入網，二比一淘汰阿根廷，進身四強。呢球真係永世難忘，皆因呢場波可算係我童年岩岩學識睇波個陣嘅一場波。亦都係因為呢一球，我鍾意左呢一樣咁引人入勝嘅運動—足球。
足球之所以引人入勝，就係呢一份熱情，但願日後足球能夠稍稍拋開戰術與體能，讓我地搵得番有球味，有個人特色同長處嘅足球員。
https://www.youtube.com/watch?v=vbgcepT8fjA
請按此登錄後留言。未成為會員? 立即註冊