靚波浪接浪!比乙前鋒,祖記舊將,齊試複製伊巴級入球!(有片)

森美爾足球勝地 於 19/09/2018 發表 收藏文章
唔使多講,相信大家都知道,亦都睇過伊巴謙莫域嘅第500個入球,係以佢招牌怪腳射入架啦。正所謂「好波不妨一睇再睇」,喺9月16日,即係啱啱呢個星期日嘅比利時乙組聯賽入面,皇家聖基萊斯聯(Royale Union Saint-Gilloise)嘅前鋒尼亞基迪(Youssouf Niakate),亦都以伊巴式嘅招牌射門入波,更加個人梅開二度為球隊奪得勝利。

有片睇!


另一角度!

皇家聖基萊斯聯係比甲奪冠次數裡面排行第三,其實都曾經係叱吒一時嘅球會嚟架。雖然依家喺比乙,但近況都算係唔錯,呢場亦都能夠取勝,尼亞基迪居功至偉啦!當時隊友右邊傳中,尼亞基迪跑到12碼點位置一個轉身背向龍門,Fake開兩名防守球員,然後左腳背向笠射龍門右上死角。過程手起刀落,可以話係毫無破綻啊!

如果有得提名普斯卡獎嘅話,相信呢個入波都有唔少機會可以同伊巴嗰球一齊獲得提名。

點解話靚波浪接浪呢?因為唔止得一球囉!森多利亞前鋒加利亞雷拉射術好就大家都知,佢亦都係9月3日嘅賽事入面以世紀窩射入舊主拿玻里,都真係幾靚架!唔知呢一球世界波有冇可能被提名入圍普斯卡獎呢?

有片睇!


另一角度!


現年35歲嘅加利亞雷拉,曾經效力祖雲達斯同拿玻里等意甲前列份子,喺射入拿玻里大門之後亦都選擇唔慶祝,以示對舊球會嘅尊重。

呢輪靚波咁多,真係可以話係「一波未平,,一波又起」啊!

sport bible

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→