英超跑動距離統計 阿仙奴榜首 曼聯就竟然......

森美爾足球勝地 於 05/12/2018 發表 收藏文章
跑動距離喺足球比賽入面,足球運動員對於整場比賽跑動同追逐嘅程度。高跑動量嘅球員,能夠為整場比賽帶嚟進攻攻勢嘅發揮,以及為團隊帶來更積極嘅作用;相反,被批評為低跑動量嘅球員,就會帶嚟反效果。

雖然阿仙奴喺積分榜同曼城有一定差距,但喺跑動距離方面,阿仙奴就排第一。

跑動距離能夠反應成績嗎?

今輪英超比賽之前,阿仙奴係20支英超球隊入面跑動距離最多。聽日凌晨阿仙奴將會作客奧脫福,而摩連奴麾下嘅曼聯,今季喺跑動距離方面就排尾五。

自從今夏阿仙奴換帥,以艾美利取代雲格成為領隊後,為近年缺乏活力嘅槍手帶嚟新變化,依家嘅阿仙奴明顯充滿活力,特別係前鋒「雙煞」奧巴美揚同拿卡錫迪。而佢哋今週嘅老對手曼聯,今季表現就認真一般,或者喺呢項數據上都可以睇到,佢哋嘅跑動距離只能夠排喺榜尾位置。

上個禮拜日以4:2擊敗熱刺,阿仙奴一眾球員嘅跑動距離已經突破1000英里(相當於1609.3公里),係20支英超球隊之中最先突破到1000英里大關嘅球隊,而熱刺嘅跑動距離為996.68英里,僅次於阿仙奴。其他前六嘅球隊方面,車路士跑動距離為980.09英里排第五,利物浦以972.6英里排第七,榜首嘅曼城就僅得963.31英里排11,莫非企住踢都贏?而曼聯嘅跑動距離就只有937.71英里,排尾五。唔知咁樣又係咪反映到佢哋球隊成績不濟嘅問題呢?

來源:DailyMail

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→