【美職】碧咸搞波做老細 力圖簽入球王美斯

森美爾足球勝地 於 17/09/2018 發表 收藏文章
雖然相比十號風球翌日仲叫人返工仍差一截,但呢單嘢瘋狂程度一啲都唔低!今年年頭,美職聯宣佈可以畀碧咸成立一隊位於邁阿密嘅足球隊「國際邁阿密」,成為第25支可以參加美職聯嘅足球隊。一直係「完美主義者」嘅碧咸,終於可以成功做老闆喇!



「國際邁阿密」會喺2020年首季亮相美職聯,首先要做嘅事除咗係興建球場之外,仲要簽一班主力球員。

有匿名人士向「每日郵報」指出,碧咸已經留意緊當今嘅球王——美斯。

報導指出五屆金球獎得主美斯同巴塞隆拿嘅合約會喺2020-21年度完約,屆時33歲嘅美斯有機會離開巴塞,轉投其他級別嘅聯賽。


雖然美斯已經33歲,但以美斯嘅個人能力同商業價值,喺唔會影響到碧咸希望簽入呢位超級球星嘅慾望。

消息指,雖然佢兩個仲未有任何嘅接觸,但以碧咸嘅性格去分析,佢真喺會有機會想美斯加盟。

而且早前效力馬體會嘅法國前鋒基士文都曾經講過想喺美國掛靴,以碧咸嘅地位去睇,2020年「國際邁阿密」真喺會成為一支星光熠熠嘅球隊啊!

來源:
Sport bible

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→