【神之呂布】伊巴職業生涯500球!繼美斯、C朗後,第三位做到嘅現役球員!

森美爾足球勝地 於 16/09/2018 發表 收藏文章
「知唔知咩係神啊?」

「神以前都係人,但佢做到人做唔到嘅嘢,所以變咗神!」喺現今足球世界可以能人所不能嘅真係冇幾多個,五隻手指一定數得哂,其中一個一定有呢位神——伊巴謙莫域!日前一場美職聯賽事,伊巴再次使出高難度入球技,蠍子擺尾妙射入網!呢一個入球,亦係佢個人職業生涯第500個入球!

loading

喺今場比賽中,伊巴效力嘅洛杉磯銀河喺落後三球嘅情況下,曾經一度追至3:3平手,但最終都係以3:5不敵多倫多FC。

現今足球越嚟越講究點樣防守,喺進攻越見追求團體戰,入球分散嘅情況下,要入到500個入球真係一啲都唔簡單。500球,伊巴係繼美斯同C朗之後,現役球員裡面第三位達到呢一項成就嘅球員!

伊巴500球分佈如下:
  • 瑞典 62球
  • 馬模 18球
  • 阿積士 48球
  • 祖雲達斯 26球
  • 國際米蘭 66球
  • 巴塞隆拿 22球
  • AC米蘭 56球
  • 巴黎聖日耳門 156球
  • 曼聯 29球
  • 洛杉磯銀河 17球

loading


雖然最後輸咗比賽,但係達到呢項里程碑之後嘅伊巴,接受賽後訪問時都話:「為多倫多而高興,因為佢哋會記得我喺呢一度入第500個入球!」

36歲嘅伊巴謙莫域現時仍然係瑞典國家隊入球紀錄保持者,同時佢亦曾經係巴黎聖日耳門入球紀錄保持者,但一月個陣就被卡雲尼打破佢所保持嘅156球紀錄。

來源:ESPN

留言


請按此登錄後留言。未成為會員? 立即註冊
    快捷鍵:←
    快捷鍵:→