【神の入球】Lord賓「腳趾尾拉西」入波 球迷驚嘆世界級(有片)

森美爾足球勝地 於 15/08/2017 發表 收藏文章
神蹟啊!!!轉戰挪超的賓特拿雖然闊別歐洲主要賽場,但仍不斷努力著。早前一場聯賽賽事,賓特拿射入替球隊追平一球,使出哥利斯馬專用的「腳趾尾拉西」式金球更見證他射術超班!

▼  Lord賓入球片段:

自從離開諾定咸森林後,這名丹麥神鋒轉投挪超球隊洛辛堡。早前聯賽對莫迪,先落後一球的情況下,73分鐘接應隊友傳送,於禁區內右腳腳趾尾拉西射入追平一球,皮球更是直飛死角,龍門欲救無從!最終,洛辛堡以2-1反勝莫迪,拯救世人的賓特拿功不可沒!球迷更大讚賓特拿這球近乎神蹟般的演出,大嘆這是世界級入球!

▼  球迷大讚Lord賓入球:




有球迷更搞笑說,在阿仙奴時他一定會射失這一球...... 其實每位球員抗壓能力各有不同,但偏偏抗壓能力就是決定球員生涯高度的重要因素,擔任前鋒的賓特拿,身型絕對有優勢,初出道時表現也令人眼前人亮。只可惜狀態過於飄忽,成長期也沒有良師好好指導,有時又被亂點鴛鴦。我們也只能看著這個曾經有潛質的新人,在歐洲二線聯賽浮浮沉沉了......

來源:http://www.sportbible.com/football/take-a-bow-watch-nicklas-bendtner-scores-an-outrageous-outside-of-the-boot-goal-20170814

如果喜歡我們的文章,請即分享到︰

標籤: 賓特拿  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 15/08/2017 評論 NO. 1

    當年外借祖雲達斯嘅時候,Lord賓係要求穿著10球衣㗎😏😏😏

    如果當年、2009或者2010是但一次喺歐冠盃做低巴塞隆拿,賓特拿嘅職業生涯可能都已經完全唔同。

    第一次,2009年歐冠16強,阿仙奴以5:0大破波圖晉級,賓特拿連中三元(!)。再八強對巴塞隆拿,首回合打成2-2,到次會合阿仙奴雲佩斯再次受傷,賓特拿臨危受命,居然力壓當時正值當打嘅中堅碧基,飛頂先開紀錄。嗰一刻真心覺得賓特拿係做好咗本份,點知美斯居然連入四球大炒一場,攞埋當屆歐聯冠軍。

    第二次,2010歐聯16強次回合對巴塞隆拿,當時雲佩斯被罰紅牌,場上比分為1:3,阿仙奴憑布斯基斯烏龍波攻入寶貴嘅作客入球。雖然少打一人,但係當時韋舒亞臨完場前曾經搶走對手腳下球 (嗰季佢真係勁過簡迪,搶完再分波掂到不得了),仲塞個靚波畀賓特拿單刀,只要入,就等如判巴塞死刑,賓特拿就係一個真英雄...... 點知佢畀回防嘅馬斯查蘭奴成功搶斷咗 (日後仲奠定咗喺巴塞正選中堅嘅地位)。

快捷鍵:←
快捷鍵:→