【直紅事件】C朗心感委屈:我咩都冇做過! 球證表明只有一個原因......

森美爾足球勝地 於 20/09/2018 發表 收藏文章
琴晚一場歐聯比賽,祖雲達斯作客華倫西亞。現效力祖記嘅前鋒C朗拿度,同對方後衞梅里路發生衝突之後,就被球證直接紅牌趕出場!據報導指,唔能夠理解球證呢個決定嘅C朗拿度心感委屈,雙眼通紅,仲大叫咗一句:「我咩都冇做過架!」

案發經過:

C朗被趕出場一刻嘅反應:


第一次歐聯直紅

比賽去到29分鐘,梅里路小腿部位疑似畀C朗踢到,頭段明顯見到C朗口噏噏,好似因為被對手阻礙到進攻而燥咗一下,但當將隻手拍落梅里路個頭嘅時候,就似乎即刻收哂火兼且力度都幾輕,起碼唔係動粗。不過梅里路就因為咁樣而燥咗,起身理論,結果雙方球員發生衝突,球證最後直接將C朗紅牌趕出場。

C朗撐住球員通道頂,唔願意離開。

對此感到震驚嘅C朗眼泛淚光,重覆咁講:「我真係咩都冇做過架!」走嗰陣時佢仲用隻手撐住球員通道個頂,好耐都唔肯走。呢個時候嘅C朗一定好掛住場波,好想自己仲喺場入面拼搏。

眼泛淚光嘅C朗,欲哭無淚。

然而,一名前球證,西班牙藉嘅干沙利斯(Eduardo Iturralde González)就話,C朗畀人趕出場其實只有一個原因......

現年51歲嘅干沙利斯話,呢張紅牌係畀C朗從後踢人而唔係畀佢抆頭髮嗰下,踢人先至係被趕出場嘅原因。至於呢個原因成唔成立,決定係咪中肯,值唔值得判一張紅牌趕出場,就見仁見智喇,相信大家心中都有答案。

C朗嚟緊歐聯將會缺陣3場賽事,包括對年青人嘅比賽,同埋兩場惡鬥紅魔,都唔能夠上陣。

Source: Sport bible, independent

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 阿舜
    阿舜 於 21/09/2018 評論 NO. 1

    摸下個頭姐

快捷鍵:←
快捷鍵:→