【瑞典足球先生】粉碎伊巴11連霸美夢 32歲鐵衛勇奪殊榮

森美爾足球勝地 於 21/11/2017 發表 收藏文章
近十年,「瑞典足球先生」呢項大獎都係伊巴謙莫域(Zlatan Ibrahimović)嘅囊中物,計埋2005年首次奪獎起,「伊巴」都只係喺2006年輸過俾龍格堡,其餘都係落入佢手中!不過,今年呢個獎項嘅得主終於起變化,十連霸嘅伊巴正式讓位,取而代之嘅係32歲國家隊首席中堅格蘭基斯(Andreas Granqvist)。

loading
▲  恭喜格蘭基斯首度奪獎!

loading

▲  伊巴連奪十年,今年呢個獎項得主終於換人!

自伊巴於2016歐國盃後退出國家隊,格蘭基斯從前者手上接過隊長臂章,帶領瑞典國家隊殺入2018世界盃決賽週,當中分組賽擊走荷蘭,附加賽殺退意大利更為佳作!當大家都慢慢習慣瑞典冇伊巴嘅同時,呢位精神領袖接班人能夠獲獎,可以話係實至名歸!

格蘭基斯職業生涯冇效力過大球會,可能得熱拿亞同韋根比較多人認識。近五季,格蘭基斯都係喺俄超球會卡斯洛達(Krasnodar)渡過,係隊中不可或缺嘅中堅人選。今季暫時替球隊上陣17次,全為正選,並有1個入球。

雖然依家瑞典有格蘭基斯呢位新領袖,但係國內仍然有唔少呼聲,希望伊巴謙莫域重返國家隊。因為上季伊巴喺曼聯嘅出色表現,令佢得到今屆瑞典最佳前鋒嘅榮譽,喺馬古斯貝治(Marcus Berg)同托禾倫(Ola Toivonen)都並非一線射手嘅情況下,難怪有咁多瑞典球迷希望伊巴回歸啦!

消息來源:Dailymail

留言


請按此登錄後留言。未成為會員? 立即註冊
    快捷鍵:←
    快捷鍵:→