【影分身術】亨利大讚奧瀟表現 「一定有兩個奧斯爾!」

森美爾足球勝地 於 19/11/2017 發表 收藏文章
阿仙奴在北倫敦打吡以二比零擊敗同市宿敵熱刺,名宿亨利大讚今場正選上陣嘅奧斯爾,話佢無論進攻同防守都相當出色,簡直同以前唔同咗,脫胎換骨一樣!


loading


「今日見到第二個奧斯爾,因為呢個奧斯爾同我之前睇到嘅完全唔一樣!」當然亨利咁講係有啲誇張,不過事實奧斯爾又係落力咗嘅,亨利補充:「奧斯爾今場好勁,佢發揮到佢自己最好嘅水準。阿仙奴全隊都好有求勝心,睇得出好想贏呢場波,而奧斯爾特別出色。」

咁究竟係邊個位見到呢,亨利就話:「我唔淨止讚佢控球嘅時候,仲有佢冇波到嘅時候,今場你見到,佢會喺三後衛前面拼命防守,隔幾秒你會見到佢已經面對住洛里斯喇!」

利物浦名宿桑拿士就對「奧瀟」嘅表現有啲保留:「佢控球嘅表現真係無得挑剔嘅.......不過,佢冇波到嗰陣成日都冇咩精神咁,又唔追番對手去回防,或者快速走位,奧斯爾要意識有呢啲問題啊!」

點都好啦,今場贏波,仲要贏熱刺,奧斯爾又有一球助攻,相信一眾阿迷都收哂貨架喇!依家阿記以22分排第六,同第三位嘅車路士只差三分喳!

資料來源:http://www.dailymail.co.uk/sport/football/article-5095687/Ozil-hailed-Henry-Neville-fantastic-display.html

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→