【利迷要知】歐聯16強 高普最唔想對邊隊?

森美爾足球勝地 於 19/12/2018 發表 收藏文章
雖然歐聯16強抽籤結果已經塵埃落定,不過利物浦主帥高普知道結果之後,都有提到最唔想抽到邊支對手。


高普坦白咁話:「老實講,嚟到16強只有兩支球隊我唔係好想面對。首先係多蒙特,我唔想咁早就要對佢哋,16強之後再對碰的話對大家會更好,睇吓嚟緊會點發展啦!然後就係祖雲達斯,因為對我嚟講佢哋係今年歐聯絕對有優勢。佢哋擁有經驗老到嘅球員,防守方面做得好好,加上對於部份球員嚟講今年可能會係佢哋嘅最後機會,一定會出盡力去爭勝,所以今年要面對祖雲達斯的話會非常難打。」


高普之後再補充,對抽到拜仁慕尼黑作為16強對手嘅睇法:「除咗呢兩支球隊我都冇乜問題,而我哋最後抽到嘅對手係拜仁慕尼黑。呢個抽籤結果對球迷嚟講都幾好,我哋喺上季踢奧迪盃嘅時候去過拜仁慕尼黑主場,我唔知嗰陣多唔多利物浦球迷有去到睇波,但今次大家好應該去一次,幾正㗎!二月嗰陣可能仲會有啲雪,不過我都唔太肯定。加上拜仁慕尼黑係一支偉大嘅球會,會係一個巨大挑戰,我對呢個抽籤結果都幾滿意。如果係幾年前抽到要對佢哋嘅話大家可能會覺得『一定冇機會啦』,而家我哋明顯係有實力去同佢哋爭取晉級資格,佢哋同樣知道我哋都係一個唔容易應付嘅對手,所以嚟緊呢兩場比賽一定會係兩場大戰。」

(利物浦於2017年8月參與奧迪盃時曾以3-0淘汰拜仁慕尼黑晉級決賽,當日文尼於7分鐘就為紅軍先開紀錄。)

來源:thisisanfield

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→