[月夜賽後短評] - 2024/5 英格蘭超級足球聯賽第十二場 - 葉士域治 對 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


⏹️全場小分析
2024/25 英格蘭超級足球聯賽第十二場
葉士域治 對 曼聯
全場完，葉士域治 1:1 曼聯
國際賽後回到英超，亦係新教練阿莫林執教曼聯嘅首場賽事，賽前唔少人都預料阿莫林會沿用返係士砵亭嘅三中堅陣式，而且今場面對上季升班馬葉士域治，算係一個唔錯嘅機會俾阿莫林試陣，但季中換領隊兼且變陣，曼聯球員適唔適應得到，會係當前最大考驗。正選陣容方面，三中堅分別係伊雲斯、迪歷特及達洛治，而馬斯奧爾及迪亞奴為兩邊翼衛。

上半場曼聯頭10分鐘維持到一段優勢，先係開波1分鐘憑住迪亞奴右路邊線直接推過對手，殺入禁區後一記橫傳，近柱尾柱都有人跑到，福仔近柱輕輕一撞入網成1比0，迪亞奴應記一功。其後葉士域治趁曼聯球員試陣尚未太適應，開始發動攻勢，10分鐘對手禁區頂一記遠射被奧拿拿落地救到，而曼聯稍為有威脅嘅係17分鐘加拿祖接應般奴橫傳再一腳燙射斜出底線。之後雙方形勢膠著，但奧拿拿先近門神救，封出對手小禁區接應傳中嘅射門，後防線暴露空位俾對手有機可乘。然後見到曼聯球員傳送接應偶爾會有誤會出現，而且中段時間曼聯有幾次前場入攝處理一般，令曼聯拉開唔到優勢，反而葉士域治於半場尾段時間42分鐘一次禁區頂轉身燙射世界波射死角入網，比數追平至1比1。曼聯有幾名球員速率已經開始跟唔上，例如艾歷臣、伊雲斯等等，般奴表現亦係水準之下，但首場試陣尚可接受。
下半場對手中鋒於早段給予曼聯後防線相當大嘅壓力，小禁區接應右路傳中再起腳被奧拿拿擋下。曼聯方面亦唔係無機會，加拿祖與福仔兩人都有唔少黃金機會，53分鐘加拿祖一路帶波推前入禁區，可惜未交出傳球俾旁邊無人看管嘅福仔成必入球。中段時間兩隊教練果斷換人，曼聯換入四名後備球員，包括梳爾、烏加迪、賀隆及舒克斯，其中賀隆及舒克斯齊齊落場，不過舒克斯就放後一格踢右攻中位置，效果唔算太理想，最終兩隊無再取得入球，各取一分完場，只能夠講曼聯需要時間...

✍️𝑊𝑟𝑖𝑡𝑒𝑟: #月夜

_
#RoyceSports #MUFC #PL #Ipswich #曼聯 #英超 #葉士域治




============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/