[月夜賽後短評] - 2024/5 歐霸盃排位賽第一場 - 曼聯 對 川迪

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2024/25 歐霸排位賽第一場
曼聯 對 川迪
全場完，曼聯 1:1 川迪
週中歐霸盃，曼聯主場迎戰川迪，算係一次較好嘅輪換機會，但睇返正選陣容，大部份正選球員依然上陣，只有麥佳亞及烏加迪係輪換，其餘球員則無變動，體力問題令人最為擔心，因週末需應付另一場大戰。

上半場兩隊形成均勢，不過曼聯係中前場連結方面無辦法踢得較侵略性，尤其中場位置交波多時出現斷層，7分鐘川迪開出角球後，達洛治追至角球旗護球，但被對手偷到再傳中，近柱射斜線地波攻門，一個波位僅僅出界。其後兩隊互相試探，到中段25分鐘左右曼聯先開始見攻勢，般奴大腳傳前，馬天尼斯禁區內頭鎚二傳，對手後衛差啲擺烏龍，但被門將飛身救到出底線。接著30分鐘曼聯先至取得入球，達洛治禁區內轉身接應般奴直線被對手攔下，艾歷臣從後勁射遠柱破網成1比0，憑住艾歷臣個人能力成功攻破川迪大門，曼聯無補時之下返入更衣室，以一球微微領先唔算係最好嘅戰果。
下半場川迪見曼聯運轉唔太暢順，以及曼聯踢陣地戰一向較差，較難撕破對手密集嘅防線，初段先沉著氣應戰，直到中段65分鐘左右開始作出調動，力求追和甚至反超曼聯。而曼聯方面全隊球員鬥心明顯見到唔強，幾乎只有入波嘅艾歷臣稍為有火，結果被川迪搵到機會於67分鐘追平比數至1比1，對手先搶下福仔球權，一路從中場位置帶波推前，曼聯幾名球員包括般奴、艾歷臣及馬天尼斯無辦法封阻，烏加迪回防及時落鏟，艾歷臣接應之下無第一時間作出反應，被兩名對手球員從後再偷走球權，並帶波殺入禁區成單刀射返近柱入網...然而被追和後，坦帥嘅輪換值得商榷，換走艾歷臣、福仔及舒克斯，換入曼治、賀隆及明諾，將今場狀態低迷嘅般奴留低...尾段曼聯攻力繼續疲弱，83分鐘加拿祖嘅推大位燙射高出算係最有威脅，最終曼聯主場被川迪追和1比1完場，週末對陣熱刺。
✍️𝑊𝑟𝑖𝑡𝑒𝑟: #月夜

_
#RoyceSports #MUFC #UEL #Twente #曼聯 #歐霸 #川迪


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?https://www.facebook.com/RoyceMU/