[月夜賽後短評] - 2024/5 英格蘭超級足球聯賽第五場 - 水晶宮 對 曼聯 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


⏹️全場小分析
2024/25 英格蘭超級足球聯賽第五場
水晶宮 對 曼聯
全場完，水晶宮 0:0 曼聯
英超話咁快來到第五場，曼聯作客水晶宮，對手英超近勢狀態不穩，開季4戰只得2分，今仗絕對係得分好機會。但考慮到曼聯碰上水晶宮，一向都係無太多甜頭，所以最重要都係穩住戰局。睇返正選陣容，後防線都係沿用上幾場組合，而中場用艾歷臣加強傳送連結，前場則是將福仔列為後備，加拿祖正選上陣。

上半場曼聯其實好多機會可以先開紀錄，9分鐘加拿祖接應舒克斯直傳，帶波推前殺入禁區左邊起腳斜射，被倒戈門將軒達臣單手救出底線，12分鐘迪歷特入攝遠柱接應角球跳高飛頂頂中，又被軒達臣用腳擋出，13分鐘近門嘅馬天尼斯接應艾歷臣左路傳中，轉身直射再被軒達臣擋下。中段26分鐘曼聯更有黃金機會但兩次中楣，達洛治致命直傳交俾禁區內嘅加拿祖第一時間撞射中楣，般奴補射反彈又再中楣高出...直到41分鐘般奴右路傳中，舒克斯近柱攻門又係軒達臣救出。上半場曼聯大部份時間都主導形勢，但奈何軒達臣「上身」，幫助水晶宮力保不失，兩持維持0比0嘅比數返入更衣室。
下半場水晶宮開始組織攻勢，46分鐘對手右路落底線試圖突破防線，迪歷特成功封阻出界，52分鐘輪到曼聯一次攻勢，舒克斯與般奴撞射之下，般奴成半單刀撞射可惜稍微彎出底線，雖然再次錯失大好機會，但舒克斯嘅連結傳送幫助曼聯製造出唔少威脅及靚組織，都係差埋門一腳...中段時間62分鐘加拿祖左路K角位起腳被軒達臣飛身撲出後，水晶宮開始專心打防反，並於64分鐘由右路推入中間遠射地波，奧拿拿先訓身救下，右路有人跑前補射，奧拿拿再雙手救出射門。71分鐘對手乘曼聯中場線速率開始下降，幾腳直傳交到十二碼點撞射僅僅斜出。其後雙方各有換人，曼聯方面換入賀隆及烏加迪，換出迪亞奴及艾歷臣，不過換走舒克斯後嘅曼聯，中前場組織力明顯減弱，特別係福仔等人尾段似乎單打獨鬥，最終曼聯無辦法攻破水晶宮大門，和波完場。

✍️𝑊𝑟𝑖𝑡𝑒𝑟: #月夜
_
#RoyceSports #MUFC #PL #CPFC #曼聯 #英超 #水晶宮


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/