[月夜賽後短評] - 2024/5 英格蘭聯賽盃第三圈 - 曼聯 對 班士利

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


⏹️全場小分析
2024/25 英格蘭聯賽盃第三圈
曼聯 對 班士利
全場完，曼聯 7:0 班士利
週中聯賽盃，曼聯主場迎戰英甲球隊班士利，面對實力低兩班波嘅球隊，曼聯理應讓主力球員休息，並且藉此機會操一操後備球員嘅狀態，最重要係無人受傷。睇返正選陣容，門將換上巴伊迪殊，中場線換入卡斯米路、艾歷臣及烏加迪，前場則是福仔、安東尼及加拿祖組合，左閘方面由青訓球員戈利亞頂替。

上半場曼聯主導形勢，10分鐘起曼聯有多次進攻機會，並早於15分鐘曼聯先開紀錄至1比0，後場幾下速度較慢嘅直線短傳，由卡斯米路一記大腳傳前，再由加拿祖大腳轉邊俾福仔突破一cup再射入網成1比0，對方防線反映兩隊級數有相當大嘅差距。其後34分鐘安東尼跑前入禁區接應福仔短傳，被對方門將侵犯跌低成十二碼，親自操刀下射入成2比0。37分鐘卡斯米路禁區頂起腳被門將接實，完半場前再有加拿祖接應福仔帶波殺入禁區短傳攻門，射遠柱地波入網再下一城成3比0。上半場曼聯以三球領先返入更衣室，算係俾一班球員訓練攻勢走位嘅好機會。
下半場開段曼聯繼續進攻，49分鐘曼聯球員於中場位置幾下傳球瓦解對手中後場防線，加拿祖跑前接應直傳成單刀，射過門將十指關入網成4比0，加拿祖梅開二度。52分鐘輪到福仔開出罰球直射龍門，勁度十足但被門將撲出。隨後57分鐘曼聯領先至5比0，對手後防線傳球失誤，加拿祖截下傳球並傳俾福仔又成單刀直射攻門入網。中尾段時間形勢依然一面倒，曼聯換入般奴、舒克斯等人，並於80分鐘錦上添花至6比0，卡斯米路先於中場位置壓逼，其後艾歷臣帶波跑前交俾加拿祖，再傳俾般奴左路傳中，艾歷臣入攝至門前撞射入網，再來84分鐘又係艾歷臣禁區邊位置接應般奴橫傳勁射破網成7比0，整場比賽毫無懸念之下，曼聯以七球大勝班士利，成功晉級下一圈。

✍️𝑊𝑟𝑖𝑡𝑒𝑟: #月夜

_#RoyceSports #MUFC #theCarabaoCup #Barnsley #曼聯 #聯賽盃 #班士利


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/