[月夜賽後短評] - 2023/24 英格蘭超級足球聯賽第三十八場 - 白禮頓 vs 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 英格蘭超級足球聯賽第三十八場
白禮頓 vs 曼聯
全場完，白禮頓0:2曼聯
英超煞科戰，睇返積分榜曼聯已經無緣進入前六，車路士已經上岸，所以只能夠係最後一場與紐卡素力爭第七，爭取歐洲賽一席位。最後一場作客白禮頓，雖然紐卡素贏波的話，同分會以得失球差保持第七位，但曼聯戰意理應似DSE學生一樣，要博盡無悔先做好自己，加上周末為足總盃決賽，各人應該要操起狀態。今仗陣容繼續沿用無鋒陣，無太大變動，只係馬天尼斯正選上陣，後備席亦有華拉尼、賀隆等人待陣。

上半場白禮頓明顯攻勢較多，初段至中段時間對手不斷尋求機會，先係4分鐘對手接應角球尾柱頂高出界，11分鐘左路無人看管帶波殺入禁區一記直射被奧拿拿用腳封到，21分鐘更有中路接應直傳轉身準備派牌，安拉拔侵犯對手領黃。而對手半場最具威脅嘅一次為28分鐘一次角球攻勢下，小禁區邊有人接應頂中被馬天尼斯門前封阻出界。另一邊廂曼聯到尾段時間先開始見到一次攻勢，41分鐘加拿祖左路接應達洛治直傳後自己帶波推過對手殺入禁區，落底線左腳窄角度射門被門將擋出，兩隊並未有取得入球返入更衣室。
下半場早段形勢繼續被白禮頓力壓，49分鐘對手一記吊傳傳至右路底線，再二傳中間成空位，有人接應下撞射，門前有卡斯米路擋下，極之驚險...其後兩隊各有換人，曼聯方面換入伊雲斯及賀隆，換出馬天尼斯及般奴後，形勢稍稍有轉變，白禮頓開始放慢節奏，曼聯中後場亦開始嘗試控傳。直至中段72分鐘，卡斯米路後場一記直傳傳前，個波彈至對手手部，達洛治跑前接應成半單刀起腳射入，為曼聯領先至1比0。之後艾歷臣及福仔先後入替，趁白禮頓球員體力下滑，尾段時間87分鐘曼聯再下一城成2比0，艾歷臣與賀隆撞傳之下，賀隆帶波推過手對手勁射近柱破網，最終曼聯於本季最後一場英超賽事取得勝利，但遺憾以第八名完季，同分紐卡索以得失球差取得第七...倘若曼聯想要睇歐洲賽，就要於足總盃贏曼城，難度可謂極大...

✍️𝑊𝑟𝑖𝑡𝑒𝑟: #月夜
_
#RoyceSports #MUFC #PL #Brighton #曼聯 #英超 #白禮頓

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/