[月夜賽後短評] - 2023/24 英格蘭足總盃第四圈 - 紐波特郡 vs 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 英格蘭足總盃第四圈
紐波特郡 vs 曼聯
全場完，紐波特郡2:4曼聯
曼聯1月份最後一場賽事，足總盃對陣英乙球隊紐波特郡，面對住低兩個級別嘅球隊，加上大部份球員都有足夠時間休息，曼聯理應輕鬆取勝晉級。正選陣容方面，多名傷兵復出正選上陣，包括卡斯米路、馬天尼斯及梳爾，前場福仔因有病在身未有隨隊出賽，加拿祖頂替左翼，而大門由巴伊迪殊守住。

比賽開段安東尼負責展開攻勢，2分鐘一記推大位左腳燙射斜出，6分鐘安東尼落底線接應直傳，cut back傳俾插入禁區嘅般奴一腳勁射地波入網成1比0，對手防線完全跟唔上，10分鐘又係安東尼禁區頂接應達洛治橫傳睇準一射僅僅高出。再來開段12分鐘達洛治右路幾下插花傳中，禁區內有明諾撞射死角入網，為曼聯領先至2比0。上半場中段時間曼聯繼續力壓紐波特郡，對手幾乎無力還擊，但去到35分鐘對手突然於禁區外以一腳窩利收死巴伊迪殊，省中馬天尼斯頭部改變方向彈入網追回一球至2比1...完半場前曼聯最具威脅嘅攻門，來自般奴禁區頂嘅射門，但被門將飛身救出，其後雙方返入更衣室。
下半場初段紐波特郡趁曼聯未站穩陣腳，於46分鐘迅速扳平至2比2，先係左路斜傳至小禁區，有人門前接應撞入，估唔到會被英乙球隊連追兩球，果然世事無絕對...隨後曼聯嘗試發力進攻，53分鐘有般奴接應賀隆橫傳燙射，可惜被對方門將跳高接實。比賽去到下半埸中段67分鐘，由安東尼打破僵局成3比2，梳爾一cup起腳中柱彈出，安東尼右邊窄角度補中入網，終於打破入球荒...尾段時間雙方都試圖取得更多入球，90分鐘對手禁區外遠射柱邊出界，93分鐘輪到曼聯有明諾禁區內接應加拿祖短傳起腳，對方門將出迎成功封阻，賀隆第一時間上前直射破網，拉開比數至4比2完場，最終曼聯成功以4比2晉級下一輪賽事。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/