[月夜賽後短評] - 2023/24 歐聯分組賽第六場 - 曼聯 VS 拜仁

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 歐聯分組賽第六場
曼聯 VS 拜仁
全場完，曼聯0:1拜仁
回到歐聯分組賽，如果要爭取到歐聯出線資格，必須先贏今仗對手拜仁，加上哥本哈根要與加拉塔沙雷和局，可謂極難出現...先講對手拜仁上場雖大敗俾法蘭克福，但前線仍有狀態火熱嘅簡尼等人擔大旗，曼聯要贏本來就唔容易，而陣容方面亦只能繼續沿用大部份開始出現疲態嘅球員，包括加拿祖、賀隆、麥湯等人...無論如何先盡力踢好比賽。

開波初段兩隊互相試探，拜仁方面由簡尼20秒右路一記橫傳中間於門前越過，以及9分鐘禁區頂射地波被奧拿拿沒收展開攻勢，13分鐘又有一記遠射被奧拿拿收下，曼聯踢得較為被動，不過見到一直被列後備嘅華拉尼狀態都唔錯，有幾下解圍到位。曼聯攻勢要到23分鐘先有一次較為入肉嘅攻勢，梳爾接應換邊後一路推前於禁區邊遠射，被門將雙手擋出。其後完半場前拜仁不斷加壓，尤其31分鐘右路傳中最具威脅，門前有人接應跳起攻門唔中目標，華拉尼解圍後對手再一次右路傳中，今次由麥佳亞頭鎚解圍。雙方無取得入球返入更衣室。
下半場初段48分鐘後備入替梳爾嘅雲拜沙卡右路落底線cut back，般奴禁區頂拉弓撞射炒高出界，浪費一次無人看管嘅黃金機會...再來53分鐘乘對手控甩，般奴上前搶下球權再起腳斜出。拜仁到中段時間69分鐘打破僵局，對手於禁區頂幾腳背身護波再傳送撕破曼聯防線，以一記斜傳傳俾入攝嘅隊友成單刀，雲拜沙卡包越位之下冷靜地一推射穿曼聯大門成0比1。隨後曼聯換入柏列斯查及美比爾，換走連續踢足幾場正選嘅安東尼及加拿祖，但情況似乎無太大改善，連結進攻依然疲乏，相反拜仁到最後完場前一直保持攻勢，82分鐘簡尼十二碼點接應角球頭鎚攻門僅僅斜出，最終曼聯主場輸一球，歐聯分組賽以第四名出局。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/