[月夜賽後短評] - 2023/24 英格蘭超級足球聯賽第十三場 - 愛華頓 VS 曼聯

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
⏹️全場小分析
2023/24 英格蘭超級足球聯賽第十三場
愛華頓 VS 曼聯
全場完，愛華頓0:3曼聯

國際賽期後又返到英超，今仗作客對陣愛華頓，對手被扣分後士氣有所打擊，但唔好忘記今季曼聯連對中下遊球隊嘅成績都係不穩，所以必定要小心為上。正選陣容方面有驚喜，18歲小將明諾終於有上陣機會，而梳爾久傷復出立即正選，兩位丹麥主力球員賀隆及艾歷臣因傷缺陣，沿用馬斯亞及麥湯文尼作替補。

勢估唔到上半場開波唔夠5分鐘，加拿祖射入今季嘅候選金球，都接近九成機會獲得...因為呢下倒掛實在太靚。2分鐘連迪洛夫大腳斬俾右路嘅福仔，一下直線短傳俾tap in嘅達洛治再傳中，遠柱加拿祖後退幾步再一記倒掛死角入網，協助曼聯先開記錄成1比0，猶如當年朗尼嘅倒掛一樣精彩。不過愛華頓亦唔係無牙老虎，其後時間都有唔少機會進攻，先係9分鐘左路進入禁區起腳被奧拿拿接實，30分鐘門前接應開出角球頭鎚攻門又被奧拿拿沒收，31分鐘奧拿拿再飛身撲出彈地波，對手上前補射省中麥佳亞後反彈，幸好明諾及時回防大腳解圍成功護空門，32分鐘對手十二碼點撞射僅僅柱邊出界，其實中段時間形勢落入愛華頓腳下，但把握唔到機會追平，曼聯半場以一球優勢返入更衣室。
下半場51分鐘般奴及馬斯亞配合下，馬斯亞跑入禁區接應時被前曼聯球員楊格伸腳kick跌，球證起初認為馬斯亞插水判領黃，但其後翻睇VAR改判為十二碼及收回黃牌，般奴交俾福仔主射破網成2比0。57分鐘對手接應界外球禁區頂一記窩利抽射還以顏色，但被奧拿拿飛身單手托出底線。中段時間曼聯換入柏列斯查及安拉拔，換出今場踢得相當出色嘅加拿祖及明諾，並於74分鐘錦上添花至3比0，柏列斯查右路邊線交橫俾般奴向前一篤，馬斯亞後上接應傳球挑過出迎嘅門將輕鬆射入，尾段再換入雲拜沙卡及美比爾後再無取得入球，最終曼聯作客大勝愛華頓三球完場。

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/