[月夜賽後短評] - 2023/24 英格蘭聯賽盃第四圈 - 曼聯 VS 紐卡素

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

⏹️全場小分析
2023/24 英格蘭聯賽盃第四圈
曼聯 VS 紐卡素
全場完，曼聯0:3紐卡素
前幾日英超被鄰居淨勝三球後，週中聯賽盃又再迎來近勢強勁嘅紐卡素，睇返紐卡素陣容輪換大部份球員。曼聯方面亦同樣地作出唔少輪換，尤其中場線有卡斯米路、美比爾及曼治搭配，前面有加拿祖及馬斯亞正選作鋒線，而般奴、福仔、艾歷臣及賀隆等人則先列後備。

上半場初段除咗安東尼回傳俾卡斯米路於禁區外撞射地波無力，被對方門將落地接實後，都無出現過較為有威脅嘅射門，反之美比爾及卡斯米路先後侵犯對方球員領黃，唔多唔少都令曼聯中場線變得較被動。而係27分鐘對手反搶加拿祖球權後，美比爾及曼治跟隨其後但未能攔下，再斜傳俾左路推到小禁區邊左腳鏟射遠柱網仔入網成0比1，整條中場線完全失勢...
之後短短幾分鐘曼治兩次攻門嘗試追平但唔成功，先係30分鐘曼治插入小禁區接應加拿祖傳中撞射出界，31分鐘又接應達洛治落底線傳中頭鎚攻門但頂唔中被對手解圍。紐卡素未有放慢腳步，35分鐘從左路落底吊傳至中間，小禁區內麥佳亞頭鎚解圍唔遠，禁區頂對手有人接應窩利抽射彈地波入網成0比2...完半場前45分鐘達洛治遠射地波斜出，但曼聯攻勢可謂完全考驗唔到紐卡素後防線。

下半場初段換入雲拜沙卡及安拉拔，頂替連踢多場嘅達洛治及剛復出嘅卡斯米路，隨後安拉拔都有接應雲拜沙卡橫傳，於禁區外撞射高出，無奈59分鐘曼聯再輸多球至0比3，同樣都係中場線失勢，安拉拔中場位置被鏟走球權後，紐卡素順勢打反擊，對手帶波推到半月位起腳入網，曼聯中場並無及時回防禁區頂位置...中段時間坦帥換入福般賀三子未有見效，只有73分鐘由般奴接應安東尼斜傳射門出界，其餘時間攻力繼續疲弱，無球走動、小組織攻勢、甚至攻守轉換都做得好差...而紐卡素手執三球優勢後開始放慢節奏。尾段時間列古朗及安拉拔各自領黃，同時曼聯欠缺進攻板斧，整隊球隊士氣又十分低落，彷彿並無打算追回比數，最終曼聯再次於主場輸0比3完場。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/