[多奇出品] - 曼聯後防新領袖 - 利辛度馬天尼斯 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


講起今季中堅，大家都會留意利辛度馬天尼斯。佢加入曼聯後，成條後防線都提升咗一個層次。依家可以話係必然正選嘅佢，無論拍住連迪洛夫、華拉尼同麥佳亞都比上季穩陣，究竟點解呢？大家試吓從佢嘅踢法去睇。
一、主動出擊去牽制對手。利辛度馬天尼斯雖然身高得175厘米，但佢往往可以贏得制空權，原因係除咗佢唔會懼怕任何對手之外，佢仲會準確地預計好個皮球落點，再加上一啲纏繞動作嘅配合而抵禦對手。另外，如果對方係地面上做傳送就更難擺脫利辛度馬天尼斯，因為佢跑動速度快，再加上緊身追迫對手，個皮球控都未控定就已經被截到。
二、彌補拍擋缺點。馬天尼斯好快了解到中堅拍擋步速慢同埋被動嘅缺點，所以大家都會睇到無論係拍連迪洛夫、華拉尼同麥佳亞都會緊纏對方嘅攻擊第一點，令到對手無咁容易組織攻勢或者令佢哋組織得無咁順暢。當然唔係話馬天尼斯嘅中堅拍擋唔識防守，只係佢哋嘅共通點都係擅於包抄，但如果兩個中堅都係同一類型，只係識包位，咁對手就好容易組織到攻勢。三、踢法硬朗，毫不畏懼。英超競爭激烈，只要稍微俾到一絲空間對方，就好大機會會失分，所以球員踢法需要硬朗，激烈嘅碰撞亦都係在所難免。馬天尼斯好快就領略到和認識到依個環境，自己就以硬朗踢法去回應，而球隊正正需要依類中堅去彌補不足。始終連迪洛夫、麥佳亞同華拉尼踢得唔夠硬淨。

四、比賽態度認真，激勵隊友士氣。大家會留意到馬天尼斯處理每腳波除咗硬朗之外，就係非常認真，而佢比賽嘅態度亦都十分專注，最重要嘅係佢唔會隨便埋怨隊友，佢往往係做好自己先。就係因為咁，所以隊友、領隊同球迷都好鍾意佢。馬天尼斯嚟咗曼聯唔係好耐就已經站穩正選位置，佢無論喺踢法、隊友合作同比賽態度方面都可以說服到大家，希望佢踢世界盃唔好受傷，然後歸隊專心踢好球會比賽。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/