[多奇出品] - 費特還是艾歷臣？ 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯今季簽咗艾歷臣同卡斯米路之後，中場實力增強咗好多，再加埋費特、麥湯文尼同雲迪碧克，中場線就真係人才濟濟。不過，要喺5名球員當中選擇兩個就真係唔容易，其中卡斯米路係必然正選，而其餘一個位，領隊坦哈格比較鍾意用費特或者艾歷臣（前者今季出場次數係14次，後者為16次）兩位球員各有優點同不足之處，作為球迷嘅你哋會係選擇費特定係艾歷臣？首先，略略講吓費特同艾歷臣嘅優缺點：

費特比較擅長防守，步速快同埋擁有無窮盡嘅體力，搵佢做前場迫搶或做中場攔截就最適合（數據上佢總共有50次嘅成功攔截，成功率達45%）。另外，費特同卡斯米路都係巴西國家隊，所以合作方面應該問題唔大。不過，如果要費特去做啲細膩嘅小組入涉同埋交啲有威脅性嘅傳送就比較難，（數據上佢總共創造咗13次機會，0助攻）射球命中率得42%。艾歷臣擅長控制節奏，無論走位配合、做短傳入涉同埋做有威脅嘅傳送，（數據上總共製造咗26次機會，有5個助攻，創造機會多過費特1倍），而射門命中率就有53%，所以單論攻擊力艾歷臣係佔優。不過，喺防守方面就比較遜色，主要因為佢步速較慢同埋踢法較斯文，（數據上總共有28次攔截成功，少費特1倍，成功率得41%）喺合作方面仲需要時間配合。如果筆者係領隊，對住啲肯進攻，速度快兼有技術嘅對手，就傾向用費特，因為球隊需要佢無窮無盡嘅體力做防守，球隊亦都需要佢嘅攔截能力去抵禦對手嘅快速攻勢。（就好似對熱刺）

不過，如果係對打防守密集嘅對手，球隊就需要艾歷臣嘅創造力、無球走動同致命傳送。因為球隊大部份時間擁有控球權，所以佢可以集中精神幫助般奴去進攻，如果有機會甚至可以嘗試遠射。（就好似對韋斯咸）
由於世界盃嘅關係，啲比賽踢得密咗好多，所以適當嘅輪換係好重要。當然幾時用費特，幾時用艾歷臣都要睇球員嘅狀態或者睇對手係邊隊，依樣領隊坦哈格應該會最清楚。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/