[19看曼聯] - 從敗仗找希望

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

筆者本來希望在球季開始前淺談來季走勢,但愛隊於友誼賽後期無論對維拉或馬體會或華歷簡奴都未見於後防及進攻上再有改進,亦如筆者所言未能針對性引援,因此想看看第一場賽事(嘗試)復仇後才淺談一下。
出賽陣容亦因馬斯亞受傷而作出無鋒陣的擺位,雖然電視廣播顯示艾歷臣是假9,但踢落般奴更似於假9位置,進攻中場由艾歷臣出任,左右翼沒有懸念由福仔及辛祖擔正,中場中間亦由很多球迷們口中的Mcfred組成,左右閘是梳爾及達洛治,雙中堅是麥佳亞及新援的馬天尼斯,門將是必然正選迪基亞。

本來小弟抱著球隊跟白禮頓進行一場精彩的迫搶戰,因此才勉強認同此出場陣容,可惜上半場根本睇唔到球隊有迫搶,反而白禮頓唔使15秒就迫搶成功,先作出第一球有威脅既射門;20分鐘左右,費特低級犯錯,差點助攻(對手)得手;第一球及第二球的失波已暴露出曼聯三大弱點,達洛治的防守能力、麥隊的防守意識、防中的控傳能力;第一球失球先由麥湯文尼無謂的推進而失球,對手持波到球隊右路,達洛治任由對手輕鬆傳球,唔知麥隊想裝越位,還是標前mark人,結果露出很大空隙俾韋碧克底線出波,而麥隊又冇即時作出修正,企岩位封線,結果對手輕鬆入波;第二球失球,梳爾亦俾對手於大位射波後,右閘的達洛治唔見人,反而由費特企尾柱俾對手執雞成功。其實上季的曼聯已有很多類似的失球,但今季還是一樣,當然白禮頓領隊樸達亦是有料之人,根本他睇住曼聯黎食,但如果出場陣容有作出改變,結果還是一樣嗎?
麥隊經常失位後,未能即時修正補位或封位,永遠只是企係度或慢半拍,點解唔用係友賽有好表現的拜利或穩健的華拉尼,而是繼續用佢?是否因為上季輸波,麥隊唔係正選,而俾佢試下打正選?達洛治根本唔入流,如果用雲拜沙卡注重防守,第二球應該可以避免。

既然今場唔打迫搶,加上今場主場作賽,是否應該進取一點,收起麥湯文尼或費特,留底一位專心做搶截,起用艾歷臣或雲迪碧克打中場中做串連,加強護波及用波能力?我認為球隊必需於後防陣容及防守戰術上作出徹底的改變,才可保持競爭能力。

左閘已購入馬拉西亞,已沒有討論空間;右閘如不再考慮引援,倒不如留用列特,起碼此子夠年青,肯搏;再不是先穩定後防,繼續用返雲拜沙卡。中堅方面應該放棄麥隊,而選用華拉尼拍拜利;除非球隊用3中堅,否則麥隊都係打後備啦。
防中方面應該選用馬天尼斯,雖然他是首次於英超上陣,應該再睇多幾場才評論他,但他今場在身位對抗下是比較輸蝕,但他敢於用波及傳球準確下,應該出任防中位置;如需要高度迫搶,才用麥湯文尼或費特作出高壓,而馬天尼斯睇位攔截及包波再而分波;相反,如需要控傳為主,應用馬天尼斯夥拍艾歷臣或雲迪碧克,當然最佳中選是法蘭基迪莊,只可惜神女有心,襄王無夢。
苦中作樂去睇第一場比賽,其實球隊亦不乏攻勢,如果般奴早段成功把握機會,可能已是另一個劇本。另外,福仔係進攻走位上亦進取了不少,否則亦唔會出現兩個黃金機會,只是佢未能把握。雲迪碧克後備入替後亦做到串連及威脅傳球,希望佢可以盡快融入球隊,找到在球隊的最佳位置。加拿祖於友誼賽中的表現已令小弟對他十分有期望,希望他今季可以盡快得到可觀的出場時間,為球隊作出貢獻。

基於以上分析,容許小弟大膽排出今季暫時的最佳陣容:

注重防守或迫搶的陣容
門將:迪基亞
後衛(右至左):雲拜沙卡/拜利/華拉尼/梳爾
中場中:馬天尼斯/麥湯文尼(費特)
中場右至左:辛祖/般奴(艾力臣)/福仔(加拿祖)
前鋒:馬斯亞

注重控傳的陣容
門將:迪基亞
後衛(右至左):雲拜沙卡/拜利/華拉尼/馬拉斯亞 (或 達洛治/拜利/華拉尼/梳爾)
中場中:馬天尼斯/艾歷臣
中場右至左:辛祖/般奴(艾力臣)/福仔(加拿祖)
前鋒:馬斯亞

嘗試打3中堅的3-4-1-2
門將:迪基亞
中堅(右至左):麥隊(拜利)/ 華拉尼/ 馬天尼斯
右翼衛:達洛治
左翼衛:馬拉西亞
中場中:麥湯文尼(費特)/ 雲迪碧克
攻中:艾歷臣
前鋒:馬斯亞 / 般奴

此陣容兩閘既可放心進攻亦可靠左右中堅穩守後防,防止對手打快攻。中場方面由麥湯專責攔截掃蕩,攞到波就分俾雲迪碧克或艾歷臣或左右翼衛,做波可交俾艾歷臣或墜後的般奴。前鋒方面,由馬斯亞攻堅再配合經常入攝的般奴,希望馬斯亞好似友賽咁生性,加上般奴重拾剛加盟曼聯的狀態,萬一久攻不入,便可換入辛祖或福仔。

由於C7既動向未明,加上佢最後離開唔到曼聯,對隊內士氣又未必是一件好事,因此小弟暫不把C7放在陣容內。
我相信只要坦帥能夠狠下決心去改革後防問題,而又保持應有的進攻能力,今季前四是有機會的;畢竟曼城需要重新磨合柱躉式前鋒陣容,車路士已到盡頭,利物浦開始高普後遺症(過度操勞而後備板凳深度不足),加上配合阿仙奴狀態不穩。其實一場敗仗又不是世界末日,一整季總會有踢得唔好既時間,希望今場敗仗能喚醒球隊,嚟緊日子不勝無歸。

最後,作為一個忠心球迷的我,由簡東拿年代到現在,一直都支持愛隊,從未持有未踢先輸或未踢先判的心態去睇球隊,如果球迷持用呢啲負面心態的話,我建議唔好再睇足球啦,記住波係圓,球場上乜都可以發生,利物浦第一場咪又係迫和富咸。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→