[多奇出品] - 好心一早放開我: 馬達、雲迪碧克

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


新球季已經開始咗一段時間,球隊亦都分別打過聯賽杯、歐聯分組賽同聯賽,大部份球員都得到一定嘅比賽機會,可惜有部份球員雖然擁有被大眾認同嘅實力,但佢哋出場比賽嘅機會真係寥寥可數,而筆者所講嘅就係馬達同雲迪碧克。
馬達原本最擅長嘅位置係進攻中場,可以做分波派牌嘅角色,由於佢勤於走動,所以佢做短傳入涉同後上支援做得非常出色,再加上佢喺禁區內把握能力高,處理射門一腳夠冷靜,射罰球亦都有一手,而佢對球隊歸屬感高,亦都會無私地教導年輕球員,所以球迷同球員間對佢有高度嘅評價。當然馬達亦都有弱點,就係速度慢、身型單薄同埋對抗性不足,但以佢實力真係無可能只喺聯賽杯做過一次正選,而其他比賽連1分鐘嘅出場機會都無。
依家般奴場場比賽都有份踢,聯賽再加上歐聯差唔多一個星期踢兩場,就算佢擁有無窮無盡嘅體力,佢嘅心理狀態亦都需要調整,而且蘇B吓吓都出同一陣式,踢法又場場一樣,其他競爭對手唔睇穿般奴嘅踢法都難,所以最近般奴表現回落真係因為出得佢太多。筆者建議可以試吓搵馬達打攻中,轉吓球員組織攻勢,等對方無咁易觸摸到曼聯嘅進攻節奏同球路,而般奴亦都有休息嘅時間。

除咗馬達之外,另一位筆者比較在意嘅球員就係雲迪碧克。雲迪碧克上一季就話唔啱球隊踢法,俾佢留一季操起自己,但操咗咁耐佢出場嘅機會都係寥寥可數。佢原本踢開攻中或影子前鋒位置,傳波意識同技巧都出色,而佢後上攻門能力亦高,但依家佢都肯退而求其次踢防中,再加上其實雲迪碧克喺歐聯對年青人同聯賽杯嘅表現尚算合格,蘇B點解唔俾多嘅機會依位有鬥心、投入感高同有上乘個人技巧嘅年輕人呢?
依家費特明顯地需要休息嚟調整狀態,防中選擇得麥湯文尼、馬迪同普巴,而球迷都明白搵普巴打防中只係會俾對手攻得更加稱心如意,與其係咁,點解唔試吓搵雲迪碧克打防中呢?假如蘇B覺得佢嘅實力未足以打正選,連後備俾佢出場都唔放心,咁點解仲要留佢喺度呢?唔通等咗成年仲唔夠咩?

筆者心痛嘅係之前羅美路堂堂貴為國腳級門將,佢為咗球隊整體利益甘願屈居迪基亞之下做後備龍門,但結果球隊係點樣對待佢。依家馬達同雲迪碧克嘅情況亦都係攪到無稜兩可,如果唔用佢哋就希望蘇B早日放走,無謂浪費人哋青春啦,可知每位球員嘅職業生涯都係短暫。


如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→