Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
曼聯啱啱對完白禮頓嘅比賽，球隊成功喺落後一球底下連入兩球反勝二比一，有驚無險又攞到三分。球迷開心嘅係前鋒格連活特慢慢重拾射門鞋，但係連迪洛夫喺上半場因為頂漏傳中波而俾韋碧克補射得手，令到球迷對佢嘅防守能力再次備受質疑，球會亦積極找尋頂替連迪洛夫嘅中堅人選，其實佢係咪真係唔適合作為曼聯嘅正選中堅呢？我哋探討依個問題之前可以分析連迪洛夫嘅優點同缺點：
優點：
一、經驗豐富，擅於應付技術型攻擊球員。連迪洛夫其實路數唔錯，有種容易睇穿技術型球員路數嘅能力，而且調整速度亦非常之快，尤其係對曼城就特別打得好，無論係應付地波傳中、單對單決鬥同埋地面組織攔截都非常出色，成為曼聯連續三場作客擊敗曼城嘅重要功臣。
二、基本控球、傳送技術穩紮。作為一位稱職嘅中堅除咗要防守能力強之外，對控、傳亦都有一定嘅要求，令到己隊唔容易喺後半場失去控球權外，亦都可以令球隊可以容易組織攻勢。尤其係對曼聯依類靠地面組織嘅球隊就特別適合。
三、好少作無謂嘅犯規，唔俾對手容易有罰球機會。連迪洛夫比較守規矩，攔截亦都有分寸，尤其知道自己應付點球嘅能力比較弱，所以球迷見到佢嘅阻截都以中斷對方組織為主，就算對方喺禁區內真係俾到好大威脅，佢都唔會輕易犯規輸十二碼。
缺點：
一、應付高空波較弱。連迪洛夫無論喺起跳爭位、騰空高度、衝頂氣勢都唔及英超一般前鋒。換句話講，唔係佢完全唔識爭位同頂波，筆者相信如果佢喺國家隊對住其他國家嘅對手，應該唔難應付，但如果要同英超身材健碩，技術較粗糙，但又制空能力強嘅前鋒或中堅爭頂，就容易比下去。
二、性格和善、唔夠霸氣。作為職業球員，每一球、每一腳波都係兵家必爭之地，再加上連迪洛夫係喺英超，全世界最體力化同競爭最劇列嘅聯賽搵食，真係少啲氣勢同身體硬淨度都好難立足。正所謂對敵人仁慈，即係對自己殘忍，依種性格如果佢去踢法較斯文嘅西班牙聯賽都還可以，但喺英超就真係唔咁適合。
三、死球助攻力弱。歷代曼聯有代表性嘅中堅除咗防守技術了得之外，助攻力強都係佢哋嘅強項，例如：維迪。當前鋒線球員打破唔到悶局就需要中堅挺身而出爭取入球，而維迪亦都頂入過唔少關鍵入波。依家可以見到當球隊有角球時，主要係斬俾麥佳亞去衝頂，反而斬俾連迪洛夫嘅機會係好少，令到角球攻勢嘅變化同強度都比較低。
除咗睇連迪洛夫嘅優、缺點之外，亦都要睇吓佢中堅拍擋麥佳亞。麥佳亞雖然制空力算強，技術亦都唔差，而且佢亦都容易相處同合作。可惜兩個拍埋一齊就產生唔到化學作用，做唔到互補不足嘅效果，因為兩個都同樣斯文，大家都缺乏領導能力，幫唔到大家互相提場，仲有最重要係拜利成日都傷而杜安沙比又未擔到大旗，令到蘇B來來去去都係用死連迪洛夫同麥佳亞。喺缺乏休息同組合欠缺變化底下，對手好易睇穿佢哋有咩優點同缺點，咁樣咪容易對付囉。
最後，雖然筆者唔睇好連迪洛夫喺曼聯嘅前途，但佢喺依度嘅比賽經驗可以令佢職業生涯更上一層樓，亦都相信佢會有更高嘅成就，若果離開曼聯及英超，或者會變成另一個碧基，成為世界一級中堅。
如果大家仍然未申請或想申請NowTV黎睇波，呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?https://www.facebook.com/RoyceMU/
https://www.facebook.com/RoyceMU/
曼聯啱啱對完白禮頓嘅比賽，球隊成功喺落後一球底下連入兩球反勝二比一，有驚無險又攞到三分。球迷開心嘅係前鋒格連活特慢慢重拾射門鞋，但係連迪洛夫喺上半場因為頂漏傳中波而俾韋碧克補射得手，令到球迷對佢嘅防守能力再次備受質疑，球會亦積極找尋頂替連迪洛夫嘅中堅人選，其實佢係咪真係唔適合作為曼聯嘅正選中堅呢？我哋探討依個問題之前可以分析連迪洛夫嘅優點同缺點：
優點：
一、經驗豐富，擅於應付技術型攻擊球員。連迪洛夫其實路數唔錯，有種容易睇穿技術型球員路數嘅能力，而且調整速度亦非常之快，尤其係對曼城就特別打得好，無論係應付地波傳中、單對單決鬥同埋地面組織攔截都非常出色，成為曼聯連續三場作客擊敗曼城嘅重要功臣。
二、基本控球、傳送技術穩紮。作為一位稱職嘅中堅除咗要防守能力強之外，對控、傳亦都有一定嘅要求，令到己隊唔容易喺後半場失去控球權外，亦都可以令球隊可以容易組織攻勢。尤其係對曼聯依類靠地面組織嘅球隊就特別適合。
三、好少作無謂嘅犯規，唔俾對手容易有罰球機會。連迪洛夫比較守規矩，攔截亦都有分寸，尤其知道自己應付點球嘅能力比較弱，所以球迷見到佢嘅阻截都以中斷對方組織為主，就算對方喺禁區內真係俾到好大威脅，佢都唔會輕易犯規輸十二碼。
缺點：
一、應付高空波較弱。連迪洛夫無論喺起跳爭位、騰空高度、衝頂氣勢都唔及英超一般前鋒。換句話講，唔係佢完全唔識爭位同頂波，筆者相信如果佢喺國家隊對住其他國家嘅對手，應該唔難應付，但如果要同英超身材健碩，技術較粗糙，但又制空能力強嘅前鋒或中堅爭頂，就容易比下去。
二、性格和善、唔夠霸氣。作為職業球員，每一球、每一腳波都係兵家必爭之地，再加上連迪洛夫係喺英超，全世界最體力化同競爭最劇列嘅聯賽搵食，真係少啲氣勢同身體硬淨度都好難立足。正所謂對敵人仁慈，即係對自己殘忍，依種性格如果佢去踢法較斯文嘅西班牙聯賽都還可以，但喺英超就真係唔咁適合。
三、死球助攻力弱。歷代曼聯有代表性嘅中堅除咗防守技術了得之外，助攻力強都係佢哋嘅強項，例如：維迪。當前鋒線球員打破唔到悶局就需要中堅挺身而出爭取入球，而維迪亦都頂入過唔少關鍵入波。依家可以見到當球隊有角球時，主要係斬俾麥佳亞去衝頂，反而斬俾連迪洛夫嘅機會係好少，令到角球攻勢嘅變化同強度都比較低。
除咗睇連迪洛夫嘅優、缺點之外，亦都要睇吓佢中堅拍擋麥佳亞。麥佳亞雖然制空力算強，技術亦都唔差，而且佢亦都容易相處同合作。可惜兩個拍埋一齊就產生唔到化學作用，做唔到互補不足嘅效果，因為兩個都同樣斯文，大家都缺乏領導能力，幫唔到大家互相提場，仲有最重要係拜利成日都傷而杜安沙比又未擔到大旗，令到蘇B來來去去都係用死連迪洛夫同麥佳亞。喺缺乏休息同組合欠缺變化底下，對手好易睇穿佢哋有咩優點同缺點，咁樣咪容易對付囉。
最後，雖然筆者唔睇好連迪洛夫喺曼聯嘅前途，但佢喺依度嘅比賽經驗可以令佢職業生涯更上一層樓，亦都相信佢會有更高嘅成就，若果離開曼聯及英超，或者會變成另一個碧基，成為世界一級中堅。
如果大家仍然未申請或想申請NowTV黎睇波，呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?https://www.facebook.com/RoyceMU/
請按此登錄後留言。未成為會員? 立即註冊