[多奇出品] - 從格連活特到軒歷拿臣的漫長道路

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

軒歷拿臣雖然喺曼聯短短三個月,但佢嘅表現令人印象難忘。佢除咗擁有豐富經驗之外,佢嘅射術、二傳同走位都難以用筆墨嚟形容地好,而且佢嘅團體意識亦都好強,筆者相信格連活特可以從中得到一啲啓發:
一、射術方面。格連活特左右腳可以拉弓抽射,而且起腳之前會做假動作欺騙守衛,分散佢哋嘅注意力同埋令佢哋失去平衡,為自己製造更多射門空間。但係球迷有無發覺格連活特除咗拉弓勁射之外,好少有啲輕描淡寫嘅攻門,就好似用掃把腳燙射、腳背或者篤入。佢今季入球量驟減,唔係佢唔努力練射門,而係佢練死同一樣射門方式。而軒歷拿臣可以喺對方龍門出迎之前輕輕燙射,但佢亦都可以喺中距離窩利勁射,而且佢頭搥攻門亦都有一手,就係因為拿臣擁有咁多射門招數,對方後衛同門將先至難以觸摸,難以觸摸就唯有靠估,但佢哋可以估中到幾多次,所以拿臣喺曼聯短短三個月期間就可以攞到幾多重要入球,尤其係歐聯主場對里爾個頭搥。

二、團體意識。團體意識包括走位拉空對手、助攻同埋二傳。格連活特屬於攻勢終結者,通常佢係會做射門嗰個球員,而攻勢終結者嘅特點就係把握力強,射門命中率高,但弱點就係唔擅於或者唔太鍾意做二傳同助攻,所以佢嘅傳波質素比較一般但又未至於差。不過,如果喺曼聯依類球隊,球員唔能夠做到能傳擅射就好容易被淘汰,再加上前鋒容易俾對方後衛緊纏,點樣走位拉空對手嚟製造空間俾自己同隊友亦係好重要,有質素嘅前鋒唔係吓吓都要有波在腳先至可以造成威脅。而軒歷拿臣當俾對手緊纏佢就會立即回傳,當有少少空位就會交個直線助攻俾隊友製造射門機會,當隊友帶緊波時佢又盡量拉散班後衛分散對方注意力。依種唔同對方正面挑戰之餘,但又增強球隊整個攻擊體系嘅威脅唔係話死練同俾一般教練教導就可以學到。
三、感染力。格連活特嘅感染力來源喺入球嗰刻,但當佢入唔到波就成個人無晒士氣,一場比賽嘅勝負關鍵就係睇吓邊隊整體士氣比較強,只要其中有一個球員唔齊心就好容易拖累成隊球隊。講真一場正式比賽可以入到對手幾多球?如果吓吓只靠入球先至可以提高士氣嘅話,球隊想攞聯賽冠軍仲有好長嘅路要走囉。有時候睇到格連活特被領隊換出場個樣死氣沈沈個樣又或者攻門射極都唔入時嘅氣餒心情,真係會影響全隊士氣。當然球員想參與比賽多啲係好事,但保持積極心態亦都好重要。而軒歷拿臣無論射門被對方門將擋出、抑或比賽途中被調出場都會保持積極樂觀嘅態度,真心鼓勵後備入替嘅隊友。例如:曼聯對維拉足總盃比賽,亦都係佢為球隊入嘅第一球。佢上半場有兩三次攻門都俾龍門擋出,但佢無氣餒,經過下半場調整狀態後就接應朗尼二傳巧妙地射門入網。
當然筆者明白到格連活特仲係好後生,而且只係喺英超踢第二年,球迷同領隊都要俾啲時間同空間佢成長。不過,依家網上資訊同表達渠道咁發達,球員只要有啲咩失誤或失機,全世界嘅球迷都會評論佢哋,所以時間空間係要俾,但相對嚟講一定無以前咁充足,希望格連活特可以喺迷失中搵到方向,而筆者相信軒歷拿臣嘅踢法可以啓發到佢。


如果大家仍然未申請或想申請NowTV黎睇波,呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
    快捷鍵:←
    快捷鍵:→