[多奇出品] - 曼聯主場對曼城賽後檢討 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼聯主場以0:0悶和曼城，我哋睇吓球隊表現係點樣？
一、福仔、格連活特射門唔多。佢哋今場為自己製造嘅射門機會唔多。一來曼城佈防嚴密，二來般奴俾對手嚴加看管，仲有始終佢哋兩個走位欠缺侵略性，福仔鐘意向邊走，好少話中間切入。格連活特就礙於踢右路，佢喺右路接到波唔係咁有把握可以扭過對方後衛，製造唔到埋門機會，所以今場波攻門次數最多可以話係般奴嘅遠射同埋角球頭搥攻門。
二、普巴、般奴缺乏互動。普巴今場表現合格，佢喺控波、做輸送都做得稱職，可惜佢就好少同般奴合作做小組滲入，打散對方佈防。始於普巴唔係啲俾完波就走位嘅球員，佢多數想做啲一針見血嘅攻勢同埋做啲長傳轉邊，如果前面嗰個係卡雲尼就好啲，可以停到個波同埋走啲入滲位，拉空個防線。但前面嗰個係福仔同格連活特呢。
三、費特復出令中場防守變得穩健。費特復出拍住麥湯文尼做掃蕩，令到對方難以組織攻勢。佢哋令對方唔可以迅速打反擊，而且佢同費特多次奪回中場控球權，再加上佢哋準繩嘅攔截，破壞咗對方唔少嘅攻勢，減低咗後防好大嘅壓力。不過，佢哋喺傳送技術上可以做得更精準同隱蔽，始終佢哋嘅傳波都係比較易睇穿，如果要破對方逼搶就要喺傳波方面下啲苦功。四、後防表現集中，減低對方射門命中率。曼城今場射門命中只係有2次，可以話係因為連迪洛夫同麥佳亞做堵截對方前線球員射門做得出色。每當對方想起腳時，佢哋總會有人去阻止，等佢哋唔係咁容易起到腳。另外，兩閘表現同樣穩健，尤其係雲拜沙卡，佢對住速度高、技術好嘅史達寧可謂毫無懼色，佢多次阻止對方嘅推進，雖然有一兩次俾佢扭過，但其他隊友都會幫手補位，所以曼城今次所製造嘅有威脅埋門都唔多。
今場比賽賽果尚算合理，嚟緊賽程頻密，希望領隊可以處理好普巴問題同埋傷兵卡雲尼可以早啲好返，迎接聖誕賽期。


如果大家仍然未申請或想申請NowTV黎睇波，呢條連結有月費低至HK$248.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?https://www.facebook.com/RoyceMU/