Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
曼聯今場以1:6大敗於熱刺腳下，睇完今場比賽相信球迷（包括：筆者）對愛隊嘅表現極之失望，究竟球隊出咗啲咩問題呢？
一、普巴防守能力不足。喺防守方面，面對熱刺快速進攻仍然起用一對活力不足防中，馬迪無錯係有經驗同擅於企位，但佢速度慢嘅弱點表露無遺，而且仲要對住孫興慜等等依類高速度球員，節奏完全俾對手控制晒，再加上佢嘅拍擋係普巴，佢回防速度慢同埋拍波唔夠硬淨，令梳爾經常要走到中路補位，佢做唔到掃蕩工作，而且令整個後防線增添混亂。好似第一球失波，麥佳亞同拜利清唔到個波俾尼當比利近門射入嗰球，係普巴將個波踢入禁區，依個意料之外嘅舉動令一對中堅一時三刻反應唔切。失第四球就係梳爾走咗嚟中間補普巴位令到成條左路空晒俾對手傳中通麥佳亞大細，然後俾孫興慜射穿迪基亞龍門。而失第五球係普巴攔截唔到一個斜線傳球。最後嗰球就係輸十二碼，佢三場聯賽已經有兩場係輸十二碼。筆者喺上季季尾曾經提議普巴可以代替狀態低沉嘅福仔打左翼，始終佢有身型同埋唔洗兼顧防守工作，佢係可以盡情發揮佢嘅創造性，而中場又可以騰出一個位俾防守能力更好嘅費特同麥湯文尼。二、麥佳亞同拜利拍擋實戰時間不足，同埋欠缺有領導才能嘅後衛。踢十一人場尤其係中堅溝通係非常重要，可惜係麥佳亞同拜利一齊出場時間唔足夠，緃使拜利比連迪洛夫硬淨同埋攔截能力較出色，但防守效果尤其喺比賽初段較差。一對中堅分工唔清就會開始亂，再加上防中做唔到穩固嘅屏障，成個後防弱點就完全表露無遺。球隊失嘅第一球就因為大家清唔走個波而出現混亂，最後麥佳亞頂一個唔夠力嘅回傳波，令到球隊付出代價。第二球就麥佳亞犯規後，拜利補唔切位，俾孫興慜單刀射入。始終後防需要一個有領導能力而且有足夠經驗嘅球員去指揮，好明顯麥佳亞、連迪洛夫同拜利係無領袖風範，吓吓靠馬迪去指揮都唔係辦法。三、馬斯亞領紅，連最後還擊之力都失去。馬斯亞嗰吓還擊向拉美拿打踭，球證覺得馬斯亞蓄意報復，所以向佢出示紅牌驅逐出場。雖然我唔敢保証有佢係度熱刺就入少幾球或曼聯可以反勝，但係馬斯亞未出場前曼聯都仲有啲攻勢，例如：福仔有球越位射中柱，格連活特亦都有球禁區頂右腳射門柱邊出界。而且今場比賽開段，佢嘅狀態算係三場聯賽入面比較好嘅一場，搏到一球十二碼，令球隊領先。而當馬斯亞領紅之後，球隊氣勢即時回落，第三球失波亦都係因為對方氣勢旺盛，加上前場球員努力迫搶成功，導致比數被拉開1:3。四、蘇B同球會高層未有正視問題，球員調動安排失當。以上第一同二點問題並唔係今場先出現。其實早在上季季尾已經有，可惜佢喺季前備戰不足，加上高層喺轉會市場運作緩慢，令到球會擁有大量冗員，但又加吸納唔到新血，嚴重影響球員士氣同紀律。例如：蘇B將部份有鬥心同狀態不俗嘅球員好似馬達、雲迪碧克放喺後備，但福仔同普巴就喺聯賽場場打正選。而球會係買人方面要等到轉會窗完結前先正式出價，好似辛祖一事上面拖拖拉拉咁。幸好，之後有國際賽擋期，希望球會高層同蘇B可以認真諗諗點做先至可以真正幫到球隊，令到球隊成績可以有所改善。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
曼聯今場以1:6大敗於熱刺腳下，睇完今場比賽相信球迷（包括：筆者）對愛隊嘅表現極之失望，究竟球隊出咗啲咩問題呢？
一、普巴防守能力不足。喺防守方面，面對熱刺快速進攻仍然起用一對活力不足防中，馬迪無錯係有經驗同擅於企位，但佢速度慢嘅弱點表露無遺，而且仲要對住孫興慜等等依類高速度球員，節奏完全俾對手控制晒，再加上佢嘅拍擋係普巴，佢回防速度慢同埋拍波唔夠硬淨，令梳爾經常要走到中路補位，佢做唔到掃蕩工作，而且令整個後防線增添混亂。好似第一球失波，麥佳亞同拜利清唔到個波俾尼當比利近門射入嗰球，係普巴將個波踢入禁區，依個意料之外嘅舉動令一對中堅一時三刻反應唔切。失第四球就係梳爾走咗嚟中間補普巴位令到成條左路空晒俾對手傳中通麥佳亞大細，然後俾孫興慜射穿迪基亞龍門。而失第五球係普巴攔截唔到一個斜線傳球。最後嗰球就係輸十二碼，佢三場聯賽已經有兩場係輸十二碼。筆者喺上季季尾曾經提議普巴可以代替狀態低沉嘅福仔打左翼，始終佢有身型同埋唔洗兼顧防守工作，佢係可以盡情發揮佢嘅創造性，而中場又可以騰出一個位俾防守能力更好嘅費特同麥湯文尼。二、麥佳亞同拜利拍擋實戰時間不足，同埋欠缺有領導才能嘅後衛。踢十一人場尤其係中堅溝通係非常重要，可惜係麥佳亞同拜利一齊出場時間唔足夠，緃使拜利比連迪洛夫硬淨同埋攔截能力較出色，但防守效果尤其喺比賽初段較差。一對中堅分工唔清就會開始亂，再加上防中做唔到穩固嘅屏障，成個後防弱點就完全表露無遺。球隊失嘅第一球就因為大家清唔走個波而出現混亂，最後麥佳亞頂一個唔夠力嘅回傳波，令到球隊付出代價。第二球就麥佳亞犯規後，拜利補唔切位，俾孫興慜單刀射入。始終後防需要一個有領導能力而且有足夠經驗嘅球員去指揮，好明顯麥佳亞、連迪洛夫同拜利係無領袖風範，吓吓靠馬迪去指揮都唔係辦法。三、馬斯亞領紅，連最後還擊之力都失去。馬斯亞嗰吓還擊向拉美拿打踭，球證覺得馬斯亞蓄意報復，所以向佢出示紅牌驅逐出場。雖然我唔敢保証有佢係度熱刺就入少幾球或曼聯可以反勝，但係馬斯亞未出場前曼聯都仲有啲攻勢，例如：福仔有球越位射中柱，格連活特亦都有球禁區頂右腳射門柱邊出界。而且今場比賽開段，佢嘅狀態算係三場聯賽入面比較好嘅一場，搏到一球十二碼，令球隊領先。而當馬斯亞領紅之後，球隊氣勢即時回落，第三球失波亦都係因為對方氣勢旺盛，加上前場球員努力迫搶成功，導致比數被拉開1:3。四、蘇B同球會高層未有正視問題，球員調動安排失當。以上第一同二點問題並唔係今場先出現。其實早在上季季尾已經有，可惜佢喺季前備戰不足，加上高層喺轉會市場運作緩慢，令到球會擁有大量冗員，但又加吸納唔到新血，嚴重影響球員士氣同紀律。例如：蘇B將部份有鬥心同狀態不俗嘅球員好似馬達、雲迪碧克放喺後備，但福仔同普巴就喺聯賽場場打正選。而球會係買人方面要等到轉會窗完結前先正式出價，好似辛祖一事上面拖拖拉拉咁。幸好，之後有國際賽擋期，希望球會高層同蘇B可以認真諗諗點做先至可以真正幫到球隊，令到球隊成績可以有所改善。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊