Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
C朗拿度對每位曼聯迷心中都有深刻嘅印象，由佢初初2003年加盟直至到2007-2008年球季幫助球隊攞英超同歐聯冠軍同埋之後嗰季完成英超三連冠都證明佢係不可或缺嘅主力，等我哋回顧吓佢喺曼聯嗰6年生涯所帶嚟嘅回憶。
我哋可以從佢嘅成長期同成熟期去睇翻C朗拿度嘅技術、心態同數據表現：
由2003-2006三年期間歸類為成長期。C朗速度非常之快，無論係踏第一步或之後嘅加速、轉身、左右急停同埋做假動作，動作都好純熟。射波同傳波都偏向急勁，左右腳都得，頭搥亦非常好。佢加盟第一場聯賽主場對保頓就憑速度擺脫對方守衛，搏得首個12碼，然後喺歐聯作客對史特加再博得12碼。雖然佢2003-2004年球季入得6球7助攻，但係足總盃決賽對米禾爾頂入嘅一球幫助球隊贏得冠軍，仲有就係聯賽主場對熱刺射入第一個罰球，嗰時已經睇到佢嘅潛質。不過，佢亦都有需要進步嘅地方。例如：佢鍾意扭波，扭到個個隊友都企喺度等佢，佢都要死去。另外，當佢扭波萬一俾對手撞到，佢就好容易跌喺度，然後向球証示意點解冇罰球。佢交波鍾意傳啲急勁嘅波，但力度同準繩度欠奉。射門雖然佢左右腳都得，但角度、勁度掌握仲未純熟，所以入球率偏低。加上當年有太多新人加盟，例如：迪贊巴、費查、貝利安、基巴臣同沙夏。大家需要時間去建立默契，所以限制咗C朗嘅發揮。到2004-2005年，有朗尼同阿倫史密夫加盟，但嗰年未有顯著嘅進步，無錯佢後上同盤球速度極快，控球技術同球感亦都極佳，而且佢有好多華麗嘅個人技巧，例如：後踭傳波、用後腳dup停轉方向、插花同交叉腳傳波。但實際做成入波同助攻嘅數字唔多，只係得9入球同10助攻，始終要一個球員技術好又要有整體意識唔係咁容易，加上速度快身體條件好嘅球員個人主意都會特別強，而且要一邊高速盤球同埋一邊留意身邊嘅隊友都唔係咁易，仲有佢依類型球員往往係對方球迷同對手特別針對對象，心態上總有唔服輸嘅時候，唔服輸就會以自己利益行先。雖然係咁，但C朗嗰季歐聯作客對里昂兩個助攻俾雲佬同埋聯賽作客對阿仙奴梅開二度，都係佢代表作。2005-2006年開始，C朗有更多機會喺禁區入面起腳，所以佢無論喺執雞入波、接應橫傳射入同埋近距離入波都比上季增加兩倍。喺聯賽主場對保頓，主場對富咸同作客對樸茨茅夫三場波梅開二度，而對韋根嘅聯賽杯決賽亦都有一球入波，幫助球隊攞聯賽杯冠軍，而聯賽主場對西布朗射入佢喺曼聯第一個十二碼。由沙夏、朗尼同C朗所組成嘅攻擊鐵三角，速度、力量、變化兼備，為嚟緊嗰年攞英超冠軍定下根基。依年C朗有12入球同8助攻，總括嚟講，喺2003至2006年間C朗入咗27球，有48%係禁區內射入、遠射有22%、頭搥就10%、罰球有7%、窩利有7%、12碼有4%，可以証明佢嘅入球板斧好多，當中近射、遠射同頭搥都有一定數量。由2006-2009三年間歸類為成熟期。2006-2007年球季由於雲佬嘅離隊，再加上同朗尼、沙夏之前建立嘅默契，所以C朗好快進入狀態，佢喺聯賽主場對富咸嘅第一場波就已經有入球。依季佢明顯多咗由中路殺入禁區起腳，唔係好似頭三季只係喺邊路進攻，而佢最大嘅進步係開始識得搵人交波，當去唔到時佢會停一停回傳或者交去側邊，有時會交啲滲透性傳送同埋佢無論傳波或斬波精準度都高咗好多。佢帶波已經唔係好似以前咁死去，而係一邊盤球一邊留意隊友嘅動向，所以當有人夾擊佢時，就會引對手過到嚟然後傳俾冇人睇嘅隊友，朗尼就係最大嘅得益者。而C朗本身速度快，加埋開始識得分波，令到對方守衛好難守住佢，當然佢嘅射波技術進步咗好多，力度、速度兼備，仲有射嘅波有啲飄移，無論佢喺禁區內外攞到個波都有好大威脅，所以C朗入球總數增加咗近一倍，有成23球同朗尼嘅入球數字係一樣，依個數字對一個中場球員嚟講係非常之高。根據非正式統計佢2006-2007年球季入咗5球十二碼，近門射入數目都有10球，入波嘅責任慢慢落喺佢身上，佢喺聯賽主場對韋根、主場對雷丁、作客對富咸同埋歐聯主場對羅馬都能夠梅開二度，當中作客對富咸一個扭三個然後射入嗰球就尤其精彩，主場對羅馬亦都令球迷印象深刻，依季帶領番曼聯攞失落咗3年嘅英超冠軍。到2007-2008年球季，C朗繼續以強勢帶領曼聯衝冠，當中迪維斯嘅加盟填補咗攻擊線上嘅不足，而C朗、朗尼同迪維斯嘅攻擊組合威力十分強勁。依季C朗嘅入球數字更去到巔峰，總共入咗42球同8次助攻。歐聯更入咗8球，包括決賽對車路士布朗斬俾佢頂入嗰球。除此之外，歐聯8強作客對羅馬C朗奮不顧身飛頂入網嗰球，入完仲要整親個背脊都令球迷印象深刻。依季佢有9次梅開二度，聯賽有7次（主對韋根、主對富咸、主對愛華頓、主對樸茨茅夫、客對紐卡素、主對保頓同主對韋斯咸）、歐聯有1次（客對基輔）、同埋足總盃有1次（主對熱刺），佢聯賽主場對紐卡素更係首次連中三元，所以佢喺1月份就已經入咗20球波，幫助曼聯奪得歐聯同聯賽冠軍。不過就算係幾咁好技術同心理質素嘅球員都有瑕疵，就係佢射失咗4個十二碼，分別係聯賽作客對韋斯咸、主場對阿仙奴（之後補射入咗）、歐聯作客對巴塞同對歐聯決賽對車路士，好彩都無阻曼聯爭標。到最後一年，即係2008-2009球季，由於佢季初因傷缺賽，加上有新加盟貝碧托夫喺戰術上需要時間嘅適應，所以依季入球數字有啲回落，但都有26球。而佢嘅代表作當然係歐聯8強作客對波圖嗰球30-40碼嘅遠射同埋歐聯4強作客阿仙奴2入球1助攻，協助球隊再次打入歐聯決賽，可惜最後輸俾有碧基做中堅嘅巴塞。雖然曼聯唔能夠再次攞歐聯，但係都可以完成英超三年霸。同埋攞到聯賽杯冠軍。依年雖然就無連中三元，但都有7場聯賽係梅開二度（主對場韋斯咸、主場對侯城、主場對史篤城、作客對西布朗、主場對維拉同主場對熱刺加上之前對阿仙奴）。喺2006-2009年C朗總共入咗91球，近射佔35%，頭搥佔17.5%、12碼佔17.5%、罰球佔13%、單刀佔8%同埋遠射佔7%，入球板斧係好多。最後C朗係2009年7月以8,000萬鎊加盟皇馬。唔知點解筆者覺得佢為曼聯效力嗰6年過得好快，不過無論點都好，依6年C朗為曼聯攞過3次聯賽冠軍、2次聯賽盃、1次足總盃、1次歐聯、1次世冠杯嘅功績，永遠會記喺球迷心中。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
如欲購買曼聯官方產品，可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
C朗拿度對每位曼聯迷心中都有深刻嘅印象，由佢初初2003年加盟直至到2007-2008年球季幫助球隊攞英超同歐聯冠軍同埋之後嗰季完成英超三連冠都證明佢係不可或缺嘅主力，等我哋回顧吓佢喺曼聯嗰6年生涯所帶嚟嘅回憶。
我哋可以從佢嘅成長期同成熟期去睇翻C朗拿度嘅技術、心態同數據表現：
由2003-2006三年期間歸類為成長期。C朗速度非常之快，無論係踏第一步或之後嘅加速、轉身、左右急停同埋做假動作，動作都好純熟。射波同傳波都偏向急勁，左右腳都得，頭搥亦非常好。佢加盟第一場聯賽主場對保頓就憑速度擺脫對方守衛，搏得首個12碼，然後喺歐聯作客對史特加再博得12碼。雖然佢2003-2004年球季入得6球7助攻，但係足總盃決賽對米禾爾頂入嘅一球幫助球隊贏得冠軍，仲有就係聯賽主場對熱刺射入第一個罰球，嗰時已經睇到佢嘅潛質。不過，佢亦都有需要進步嘅地方。例如：佢鍾意扭波，扭到個個隊友都企喺度等佢，佢都要死去。另外，當佢扭波萬一俾對手撞到，佢就好容易跌喺度，然後向球証示意點解冇罰球。佢交波鍾意傳啲急勁嘅波，但力度同準繩度欠奉。射門雖然佢左右腳都得，但角度、勁度掌握仲未純熟，所以入球率偏低。加上當年有太多新人加盟，例如：迪贊巴、費查、貝利安、基巴臣同沙夏。大家需要時間去建立默契，所以限制咗C朗嘅發揮。到2004-2005年，有朗尼同阿倫史密夫加盟，但嗰年未有顯著嘅進步，無錯佢後上同盤球速度極快，控球技術同球感亦都極佳，而且佢有好多華麗嘅個人技巧，例如：後踭傳波、用後腳dup停轉方向、插花同交叉腳傳波。但實際做成入波同助攻嘅數字唔多，只係得9入球同10助攻，始終要一個球員技術好又要有整體意識唔係咁容易，加上速度快身體條件好嘅球員個人主意都會特別強，而且要一邊高速盤球同埋一邊留意身邊嘅隊友都唔係咁易，仲有佢依類型球員往往係對方球迷同對手特別針對對象，心態上總有唔服輸嘅時候，唔服輸就會以自己利益行先。雖然係咁，但C朗嗰季歐聯作客對里昂兩個助攻俾雲佬同埋聯賽作客對阿仙奴梅開二度，都係佢代表作。2005-2006年開始，C朗有更多機會喺禁區入面起腳，所以佢無論喺執雞入波、接應橫傳射入同埋近距離入波都比上季增加兩倍。喺聯賽主場對保頓，主場對富咸同作客對樸茨茅夫三場波梅開二度，而對韋根嘅聯賽杯決賽亦都有一球入波，幫助球隊攞聯賽杯冠軍，而聯賽主場對西布朗射入佢喺曼聯第一個十二碼。由沙夏、朗尼同C朗所組成嘅攻擊鐵三角，速度、力量、變化兼備，為嚟緊嗰年攞英超冠軍定下根基。依年C朗有12入球同8助攻，總括嚟講，喺2003至2006年間C朗入咗27球，有48%係禁區內射入、遠射有22%、頭搥就10%、罰球有7%、窩利有7%、12碼有4%，可以証明佢嘅入球板斧好多，當中近射、遠射同頭搥都有一定數量。由2006-2009三年間歸類為成熟期。2006-2007年球季由於雲佬嘅離隊，再加上同朗尼、沙夏之前建立嘅默契，所以C朗好快進入狀態，佢喺聯賽主場對富咸嘅第一場波就已經有入球。依季佢明顯多咗由中路殺入禁區起腳，唔係好似頭三季只係喺邊路進攻，而佢最大嘅進步係開始識得搵人交波，當去唔到時佢會停一停回傳或者交去側邊，有時會交啲滲透性傳送同埋佢無論傳波或斬波精準度都高咗好多。佢帶波已經唔係好似以前咁死去，而係一邊盤球一邊留意隊友嘅動向，所以當有人夾擊佢時，就會引對手過到嚟然後傳俾冇人睇嘅隊友，朗尼就係最大嘅得益者。而C朗本身速度快，加埋開始識得分波，令到對方守衛好難守住佢，當然佢嘅射波技術進步咗好多，力度、速度兼備，仲有射嘅波有啲飄移，無論佢喺禁區內外攞到個波都有好大威脅，所以C朗入球總數增加咗近一倍，有成23球同朗尼嘅入球數字係一樣，依個數字對一個中場球員嚟講係非常之高。根據非正式統計佢2006-2007年球季入咗5球十二碼，近門射入數目都有10球，入波嘅責任慢慢落喺佢身上，佢喺聯賽主場對韋根、主場對雷丁、作客對富咸同埋歐聯主場對羅馬都能夠梅開二度，當中作客對富咸一個扭三個然後射入嗰球就尤其精彩，主場對羅馬亦都令球迷印象深刻，依季帶領番曼聯攞失落咗3年嘅英超冠軍。到2007-2008年球季，C朗繼續以強勢帶領曼聯衝冠，當中迪維斯嘅加盟填補咗攻擊線上嘅不足，而C朗、朗尼同迪維斯嘅攻擊組合威力十分強勁。依季C朗嘅入球數字更去到巔峰，總共入咗42球同8次助攻。歐聯更入咗8球，包括決賽對車路士布朗斬俾佢頂入嗰球。除此之外，歐聯8強作客對羅馬C朗奮不顧身飛頂入網嗰球，入完仲要整親個背脊都令球迷印象深刻。依季佢有9次梅開二度，聯賽有7次（主對韋根、主對富咸、主對愛華頓、主對樸茨茅夫、客對紐卡素、主對保頓同主對韋斯咸）、歐聯有1次（客對基輔）、同埋足總盃有1次（主對熱刺），佢聯賽主場對紐卡素更係首次連中三元，所以佢喺1月份就已經入咗20球波，幫助曼聯奪得歐聯同聯賽冠軍。不過就算係幾咁好技術同心理質素嘅球員都有瑕疵，就係佢射失咗4個十二碼，分別係聯賽作客對韋斯咸、主場對阿仙奴（之後補射入咗）、歐聯作客對巴塞同對歐聯決賽對車路士，好彩都無阻曼聯爭標。到最後一年，即係2008-2009球季，由於佢季初因傷缺賽，加上有新加盟貝碧托夫喺戰術上需要時間嘅適應，所以依季入球數字有啲回落，但都有26球。而佢嘅代表作當然係歐聯8強作客對波圖嗰球30-40碼嘅遠射同埋歐聯4強作客阿仙奴2入球1助攻，協助球隊再次打入歐聯決賽，可惜最後輸俾有碧基做中堅嘅巴塞。雖然曼聯唔能夠再次攞歐聯，但係都可以完成英超三年霸。同埋攞到聯賽杯冠軍。依年雖然就無連中三元，但都有7場聯賽係梅開二度（主對場韋斯咸、主場對侯城、主場對史篤城、作客對西布朗、主場對維拉同主場對熱刺加上之前對阿仙奴）。喺2006-2009年C朗總共入咗91球，近射佔35%，頭搥佔17.5%、12碼佔17.5%、罰球佔13%、單刀佔8%同埋遠射佔7%，入球板斧係好多。最後C朗係2009年7月以8,000萬鎊加盟皇馬。唔知點解筆者覺得佢為曼聯效力嗰6年過得好快，不過無論點都好，依6年C朗為曼聯攞過3次聯賽冠軍、2次聯賽盃、1次足總盃、1次歐聯、1次世冠杯嘅功績，永遠會記喺球迷心中。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
如欲購買曼聯官方產品，可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊