Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
卡域克對球迷嚟講係位幾有爭議性嘅球員，有部份球迷會覺得佢比賽時行行企企，專門做啲駁腳工作，對球隊幫助唔大，但有啲球迷認為批評佢嘅人係未了解清楚佢嘅踢法，咁即係佢其實喺比賽中有冇存在嘅價值呢？
答依條問題之前不如從個人技術、整體防守、比賽數據同心理質素四方面分析一吓佢喺球場上貢獻：
一、個人技術。大多數球迷都知道卡域克最擅長就係做傳送，主要係駁腳居多。可能駁腳喺進攻層面上威脅相對比較細同埋冇邊線出波，直接劏穿依啲助攻埋門咁搶眼，所以好多時都會被忽略。但如果駁腳做得好，佢唔單止令到球隊失去控球權嘅機會減少，冇咁容易俾人打反擊，仲可以令到進攻變得流暢，容易組織有威脅嘅攻勢。佢做駁腳最犀利嘅地方就係控制節奏做得恰當，點為之控制節奏呢？就係當佢察覺隊友需要波時，大部份時間都會以極快速度去傳俾佢哋，快到係卡域克未控球在腳時已經知道邊個想要波。但當隊友想要波而又俾對手捉到路時，佢就會hold一hold住個波，然後先至交個波俾第二個，令球隊可以保持控球權。佢就好似郵差派信咁準確，而且係按顧客需要決定係寄平郵定寄掛號，務求令所有顧客安心收件。仲有佢喺傳波方面可以話係一個完美主義者，無論喺短傳地波、中距離中腰波同埋長傳都盡量做到頂級，除咗令隊友舒服地攞波之外，亦都令對手難以作出攔截，所以球迷唔容易睇到卡域克傳啲醫院波，而喺英超生涯佢傳過18978次波，平均1場39.46次，但因為佢嘅失誤而令球隊失波嘅次數係（1）次，依個數據都算誇張，同依家曼聯嘅球星普巴會唔會比下去呢？另外，佢嘅控球同傳接亦都做得非常全面，無論係頭搥、地波傳接同中腰即彈，都做得細緻。佢能夠做到咁係因為除咗基本功紮實外，佢嘅頭腦轉數好快，未攞波之前已經諗到下一步係點做，如果下一步嘅諗法俾人睇穿，佢就即時轉變想法，做另一個決定，令到對手無所適從。所以眼睇落佢做嘅動作做得好似好簡單，但其實想捉佢路好難，因為佢係一個做事謹慎同埋擁有超強嘅觀察力嘅球員。做駁腳最重要係穩定性同埋體察隊友嘅心，卡域克喺依方面做得非常稱職。二、整體防守。有部份球迷覺得卡域克防守時只係行行企企，好少落腳欄截，好似俾人覺得去得唔夠盡。不過，我認為佢所做嘅對球隊幫助都係好大。點解咁講？因為有效嘅防守除咗真係落腳去搶截對方個波之外，有時適當地干擾同拖延對方，令對手作出一啲錯誤決定或者減少選擇亦都係一個睇落唔明顯但就有效嘅防守。首先講前者「干擾同拖延對方」，佢唔係完全阻礙對手達到目的，佢只係要對手用多啲時間去做同一個動作，從而令對方做出嘅動作有偏差，造成失誤。好似當對手準備控定一個彈地波，卡域克就即刻上前俾壓力，對手一係就回傳，一係就喺有壓力嘅情況下做決定，從而容易令對手傳失波或者控甩腳。咁樣嘅防守除咗減少碰撞機會之外，亦都減低對方進攻嘅流暢度。後者「減少選擇」，每當對手有超過一個選擇，卡域克第一時間會減少其中之一而唔係去標波，從而令到隊友容易捉路，然後作出攔截。如果嗰時佢標波，好大機會連自己都會俾人過埋，球隊嘅防守漏洞會更大。例如：對手有3個傳波選擇，佢就立刻令對手減少1個，從而對手得2個選擇。佢做依兩個防守方法雖然唔能夠直接搶到個波，但就有穩定軍心嘅作用，令成個防守陣式更加穩固。佢就好似一條污水渠嘅一個隔器，將比較大件雜質隔開，令到之後嘅污水容易處理清潔。另外，佢嘅解圍決定亦都做得好恰當，佢解圍係睇準目標，盡量令隊友攞番個控球權，而唔係大力求其一腳清走個波。所以從以上一點可以見到佢睇落好似冇做到啲咩，但就有穩定軍心嘅作用。三、比賽數據。可能有部份球迷睇卡域克嘅表現只係跟據佢嘅助攻同入球數字，但其實佢其他數據都顯示佢係一位不可多得嘅球員。首先睇紅、黃牌，佢成個英超生涯入面係未攞過紅牌、黃牌就大約每12場攞1張，從中可以睇到佢個良好紀律，係一個可信靠嘅一位球員。雖然佢攞咁少牌，但曼聯係成季失球數字尤其係2006-2009年3季，失球數字係各隊英超球隊頭兩位低，分別係27、22、24球。而佢嘅出場次數係2006-2009年，分別係33、31、28場，都證明佢除咗參與率高，連帶失球數字係偏低。之後幾季嘅數據亦都係證明咗依點，除咗2010-2011年外。而喺同對手爭奪控球權方面，成個英超生涯總共有1903次，爭奪成功次數有1144，成功率有大約60%，仲有佢嘅攔截成功率係有70%。所以雖然球迷睇佢踢法斯文，但爭取同攔截成功率都唔低。所以講數據佢一啲都唔輸蝕。四、心理質素。講完數據計算到之後就，講啲數據顯示唔到嘅貢獻。首先個人方面，佢係一個極之有耐性同好抵受到壓力嘅球員。其實每個球員踢得波嘅都希望係多啲控球在腳或者係搶到對手腳下球嚟表現同肯定自己，而卡域克就正好相反，自己一攞到個波就即係俾人，然後就拉空個位俾隊友，然後等到隊友去唔到波時，先至回後俾番佢。當球隊打順景波時就根本好少用得著佢，而當球隊打逆境波時佢就做防守屏障，不段去塞位，但最後欄截到波嗰個通常係後衛。搶到個波後佢就做調整，控好個波，然後傳番俾隊友。工作睇嚟簡單，但佢試吓喺中場控失個波，就即刻俾人打反擊，到時好大機會成為輸波罪人。尤其係喺爭標球會，依種壓力係好大好沉重。然後係整體方面，卡域克所做嘅每一個細節（控球、傳球同企位）都係喺度幫其他隊友回氣同調整心理狀態。再加上佢踢波嘅風格少犯規少攞牌少埋怨亦都會幫到隊友，令隊友情緒得以調整同緩和。依啲心理上嘅貢獻係數據係計算唔到，亦都唔係單靠日常操練可以得嚟。從幾方面去探討之後，我會以球場上嘅心理治療師去形容卡域克，佢嘅踢法雖然睇落簡單，但對成隊球隊嘅影響好深，而且貢獻係唔易觀察到。唔知讀者又點睇佢呢？
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
如欲購買曼聯官方產品，可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
卡域克對球迷嚟講係位幾有爭議性嘅球員，有部份球迷會覺得佢比賽時行行企企，專門做啲駁腳工作，對球隊幫助唔大，但有啲球迷認為批評佢嘅人係未了解清楚佢嘅踢法，咁即係佢其實喺比賽中有冇存在嘅價值呢？
答依條問題之前不如從個人技術、整體防守、比賽數據同心理質素四方面分析一吓佢喺球場上貢獻：
一、個人技術。大多數球迷都知道卡域克最擅長就係做傳送，主要係駁腳居多。可能駁腳喺進攻層面上威脅相對比較細同埋冇邊線出波，直接劏穿依啲助攻埋門咁搶眼，所以好多時都會被忽略。但如果駁腳做得好，佢唔單止令到球隊失去控球權嘅機會減少，冇咁容易俾人打反擊，仲可以令到進攻變得流暢，容易組織有威脅嘅攻勢。佢做駁腳最犀利嘅地方就係控制節奏做得恰當，點為之控制節奏呢？就係當佢察覺隊友需要波時，大部份時間都會以極快速度去傳俾佢哋，快到係卡域克未控球在腳時已經知道邊個想要波。但當隊友想要波而又俾對手捉到路時，佢就會hold一hold住個波，然後先至交個波俾第二個，令球隊可以保持控球權。佢就好似郵差派信咁準確，而且係按顧客需要決定係寄平郵定寄掛號，務求令所有顧客安心收件。仲有佢喺傳波方面可以話係一個完美主義者，無論喺短傳地波、中距離中腰波同埋長傳都盡量做到頂級，除咗令隊友舒服地攞波之外，亦都令對手難以作出攔截，所以球迷唔容易睇到卡域克傳啲醫院波，而喺英超生涯佢傳過18978次波，平均1場39.46次，但因為佢嘅失誤而令球隊失波嘅次數係（1）次，依個數據都算誇張，同依家曼聯嘅球星普巴會唔會比下去呢？另外，佢嘅控球同傳接亦都做得非常全面，無論係頭搥、地波傳接同中腰即彈，都做得細緻。佢能夠做到咁係因為除咗基本功紮實外，佢嘅頭腦轉數好快，未攞波之前已經諗到下一步係點做，如果下一步嘅諗法俾人睇穿，佢就即時轉變想法，做另一個決定，令到對手無所適從。所以眼睇落佢做嘅動作做得好似好簡單，但其實想捉佢路好難，因為佢係一個做事謹慎同埋擁有超強嘅觀察力嘅球員。做駁腳最重要係穩定性同埋體察隊友嘅心，卡域克喺依方面做得非常稱職。二、整體防守。有部份球迷覺得卡域克防守時只係行行企企，好少落腳欄截，好似俾人覺得去得唔夠盡。不過，我認為佢所做嘅對球隊幫助都係好大。點解咁講？因為有效嘅防守除咗真係落腳去搶截對方個波之外，有時適當地干擾同拖延對方，令對手作出一啲錯誤決定或者減少選擇亦都係一個睇落唔明顯但就有效嘅防守。首先講前者「干擾同拖延對方」，佢唔係完全阻礙對手達到目的，佢只係要對手用多啲時間去做同一個動作，從而令對方做出嘅動作有偏差，造成失誤。好似當對手準備控定一個彈地波，卡域克就即刻上前俾壓力，對手一係就回傳，一係就喺有壓力嘅情況下做決定，從而容易令對手傳失波或者控甩腳。咁樣嘅防守除咗減少碰撞機會之外，亦都減低對方進攻嘅流暢度。後者「減少選擇」，每當對手有超過一個選擇，卡域克第一時間會減少其中之一而唔係去標波，從而令到隊友容易捉路，然後作出攔截。如果嗰時佢標波，好大機會連自己都會俾人過埋，球隊嘅防守漏洞會更大。例如：對手有3個傳波選擇，佢就立刻令對手減少1個，從而對手得2個選擇。佢做依兩個防守方法雖然唔能夠直接搶到個波，但就有穩定軍心嘅作用，令成個防守陣式更加穩固。佢就好似一條污水渠嘅一個隔器，將比較大件雜質隔開，令到之後嘅污水容易處理清潔。另外，佢嘅解圍決定亦都做得好恰當，佢解圍係睇準目標，盡量令隊友攞番個控球權，而唔係大力求其一腳清走個波。所以從以上一點可以見到佢睇落好似冇做到啲咩，但就有穩定軍心嘅作用。三、比賽數據。可能有部份球迷睇卡域克嘅表現只係跟據佢嘅助攻同入球數字，但其實佢其他數據都顯示佢係一位不可多得嘅球員。首先睇紅、黃牌，佢成個英超生涯入面係未攞過紅牌、黃牌就大約每12場攞1張，從中可以睇到佢個良好紀律，係一個可信靠嘅一位球員。雖然佢攞咁少牌，但曼聯係成季失球數字尤其係2006-2009年3季，失球數字係各隊英超球隊頭兩位低，分別係27、22、24球。而佢嘅出場次數係2006-2009年，分別係33、31、28場，都證明佢除咗參與率高，連帶失球數字係偏低。之後幾季嘅數據亦都係證明咗依點，除咗2010-2011年外。而喺同對手爭奪控球權方面，成個英超生涯總共有1903次，爭奪成功次數有1144，成功率有大約60%，仲有佢嘅攔截成功率係有70%。所以雖然球迷睇佢踢法斯文，但爭取同攔截成功率都唔低。所以講數據佢一啲都唔輸蝕。四、心理質素。講完數據計算到之後就，講啲數據顯示唔到嘅貢獻。首先個人方面，佢係一個極之有耐性同好抵受到壓力嘅球員。其實每個球員踢得波嘅都希望係多啲控球在腳或者係搶到對手腳下球嚟表現同肯定自己，而卡域克就正好相反，自己一攞到個波就即係俾人，然後就拉空個位俾隊友，然後等到隊友去唔到波時，先至回後俾番佢。當球隊打順景波時就根本好少用得著佢，而當球隊打逆境波時佢就做防守屏障，不段去塞位，但最後欄截到波嗰個通常係後衛。搶到個波後佢就做調整，控好個波，然後傳番俾隊友。工作睇嚟簡單，但佢試吓喺中場控失個波，就即刻俾人打反擊，到時好大機會成為輸波罪人。尤其係喺爭標球會，依種壓力係好大好沉重。然後係整體方面，卡域克所做嘅每一個細節（控球、傳球同企位）都係喺度幫其他隊友回氣同調整心理狀態。再加上佢踢波嘅風格少犯規少攞牌少埋怨亦都會幫到隊友，令隊友情緒得以調整同緩和。依啲心理上嘅貢獻係數據係計算唔到，亦都唔係單靠日常操練可以得嚟。從幾方面去探討之後，我會以球場上嘅心理治療師去形容卡域克，佢嘅踢法雖然睇落簡單，但對成隊球隊嘅影響好深，而且貢獻係唔易觀察到。唔知讀者又點睇佢呢？
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
如欲購買曼聯官方產品，可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
請按此登錄後留言。未成為會員? 立即註冊