[多奇出品] - 安祖斯彭利拿打前鋒可行嗎？ 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


由於拉舒福特因傷要抖6周，令到曼聯前鋒買少見少，依家只係得馬斯亞同格連活特。但曼聯要應付唔同戰線嘅比賽，有足總盃、聯賽杯同歐霸杯，所以買前鋒就真係刻不容緩，但睇番活禾特嘅買人效率真係好低，所以其實可唔可以將安祖斯彭利拿推前一格打前鋒呢？講真安祖斯彭利拿係未夠班打曼聯正選，不過蘇B唔知點解會場場都出佢打10號位，踢防中又試過，加上佢本身就係踢翼嘅，幾乎中前場個個位都踢過晒，係爭前鋒。以蘇B個勢，加上佢同連加特關係變差，喺無可選擇之下安祖斯彭利拿雖然表現仲未合格，但我估計佢係正選不二之選。我放安祖斯彭利拿打前鋒嘅原因：首先係隱藏缺點，佢本身係有啲腳法，但球賽閱讀能力差，加上佢嘅傳球技術無論長傳同短傳都唔算出色。所以要佢踢10號位做一啲致命傳送係幾乎冇可能。射門方面佢雖然有好強嘅射門欲，但佢啲遠射對龍門威脅唔大，所以浪費咗好多組織攻勢嘅機會。除此之外，佢間唔中喺中後場俾人偷到個球先攞命，當佢迎波時係觀察唔到有人想偷佢個波。依啲缺點我諗球迷都應該好清楚，亦都知道佢係好難改。但如果佢打前鋒，佢就唔需要喺中場組織攻勢，亦都唔會喺中後場控波，仲有馬達會有多好多出場機會。其次就係引發出佢優點，佢最大優點係佢有團火同埋佢係好勤力做逼搶，相對馬斯亞同格連活特嘅冷靜型有好大分別。加上佢控第一腳比連加特好同埋射門欲強，而佢射龍門命中率都高（只不過係力度唔夠），如果佢能夠喺禁區內射波個威脅會更大。佢仲有一個優勢，就係佢打前鋒蘇B就逼住出馬達，馬達就會打攻中經常造波俾佢，佢嘅供應多咗入球機會相對增加。另外，安祖斯彭利拿擁有打攻中、翼鋒同防中經驗，對佢適應新位置都有幫助。最後就係前鋒線需要加入新元素，當然如果可以買到優質前鋒就最好，但買唔到就只有馬斯亞同格連活特兩個。不過我相信其他對手已經睇通晒佢哋嘅路數同埋唔同嘅比賽用唔同風格嘅前鋒係有必要，而安祖斯彭利拿過去打嘅位又唔係出色，加上佢係必然正選，所以真係一試無妨。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
如欲購買曼聯官方產品，可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/