[K11出品] 曼聯K角度 – 爭氣與運氣的曼市打比戰! Manchester is red!

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

歐霸盃出局後, 比曼城更要少一日既休息時間, 更加要作客, 而曼聯踢出一場爭氣而又有運氣既曼市打比戰, 全場射門次數只有5次, 對手多達廿次射門, 仲有阿古路既中柱波, 結果最後靠18歲新人拉舒福特再一次射入關鍵入球, 以1比0作客擊敗曼城拉近雙方積分距離到只有1分差距, 令打入前四再現曙光, 等我K11同大家一齊睇睇呢場爭氣而有充滿運氣既勝仗。


出場陣容方面, 龍門為迪基亞, 後防右至左為達米安, 史摩寧, 白蘭特及洛荷, 防中為卡域克及舒拉達連, 進攻4子分別為馬素爾, 馬達, 連加特及拉舒福特。看過陣容, 其實跟之前幾場表現不佳既陣容接近, 心想, 又是一成不變的戰術吧…….的確是會令人擔心的!


迪基亞今場波未有神演出, 因為曼城既射門雖有廿次之多, 但真正中龍門卻只得3次, 而部分射門未能命中, 因為已被今仗表現出色既史摩寧統領既後防線封殺。終於迪基亞不再需要做主角曼聯也可以勝出了。



右閘方面, 今仗由達米安取代華利拿, 未知是否華利拿上仗被古天奴徹底KO後, 信心未能回復, 今仗連後備也未有入選, 都正確的, 年青人, 過一過冷河吧。而今仗取而代之既達米安係我K11對曼聯後防重建既其中一員, 今仗於右路防守穩健, 其中有一球快速回防解圍真的精彩, 不過助攻力依舊一般, 及後因洛荷而轉往左路後, 表現差了一截, 其中一球被拿華斯扭過後差點造成直接危險, 幸好拿華斯使出藍天射球而已………..而且可能由於太久未有踢足全場, 今仗賽事尾段2次抽筋, 結果84分鐘由科素文科入替。入替既科素文沙只有約10分鐘時間演出, 於左閘位置表現平穩!


左閘方面既洛荷, 剛巧於賽事日當天生日, 祝個生日快樂, 而今仗表現其實只算一般, 正好我K11與專頁朋友一齊討論洛荷的優與缺時提及過, 洛荷喜歡交出一些較冒險既穿越球, 結果今仗有一球差一點出事, 幸好未有致命過失出現, 而助攻時表現正常, 也沒有太大的亮點。而63分鐘入替洛荷既華倫西亞, 久休終於復出了, 真的很久無見佢既華一招, 入替後既表現一般, 但由於其速度真的高及身材魁梧, 其中一球其實他已失位但與阿古路一個肩膀的對碰便將重心已很低既阿古路合法撞跌, 可惜及後有一球判斷高空球失誤被阿古路頂入中路造成險象, 其餘時間也可以說是久休復出合格之戰, 希望佢可以健健康康, 為曼聯後防線有充足的戰力。

中堅方面, 先說炸彈人白蘭特, 今仗不太炸彈, 由於佢身邊已有不少隊友為其保護, 不過不知道各位讀者有否此感覺, 到現在為止, 我K11仍然不習慣此名中堅走去2邊開角球, 開完角球又要老遠咁走番去自己既中堅位置, 真的不明所以……………………


另一中堅史摩寧, 今場數據精彩, 多次封阻曼城既攻勢, 雖然早段便已領黃, 但及後既防守也恰到好處, 的而且確成為曼聯後防既重心人物, 43次觸球, 3次攔截, 5次清波及3次截擊, 覆蓋範圍達10公里, 各位是否看到里奧全盛時期的影子嗎? 也正因為如此, 迪基亞今場真係可以抖下。


防中方面, 雲高爾派出卡域克與舒拉達連, 而此排陣, 正是以卡域克作為定位防中, 舒拉達連成掃蕩型防中去安排, 卡域克的表現是未有立功, 但也無過失, 而且今場竟然是零個關鍵傳球, 對於佢黎講算是不合格, 但其速度沒有成為對手之攻擊點, 卻顯出其經驗之企位, 彌補不足。

舒拉達連方面, 今仗既角色正是之前小豬既角色, 其表現出來雖不算很搶眼, 但其施加既壓力卻非常明顯, 令耶耶托尼等等既曼城中場未有多大既優勢, 而且也能穩定皮球傳交攻擊球員作出反攻, 我K11一直對其表現有著高要求, 希望舒拉達連可以給我們曼迷更多更多。


進攻4子方面, 先說右路既連加特, 表現平穩, 2次既關鍵傳球, 已在整場比賽都非常勤力, 不時於左中右也看到其影子, 球賽中段時候更於馬達換位, 於10號進攻中場位置出現, 雖然不知道是否雲高爾既安排, 但10號位置出現冒既連加特, 主要作為工兵般跑動。

10號進攻中場既馬達, 今仗最為關鍵便是助攻給拉舒福特既入球了, 此傳球盡顯馬達功架, 恰到好處既路線與力度, 拉舒福特接應後完全可以順應自己既感覺再處理, 這便是馬達既看家本領, 不過除此之外, 今仗表現其實只是一般, 有一段時間非常沉寂, 而其後轉踢右中場後也重現季初的隱形, 70分鐘由小豬入替。入替後既小豬, 位置處於卡域克與舒拉達連前一格來掃蕩, 目的是不讓曼城中後場可以慢慢睇定黎做, 而此時舒拉達連便不需要像之前般壓前, 可以與卡域克組成一對閘, 塞滿中場中既位置, 小豬則一向既勤力, 機動, 達致此換人既目的。


左路既馬素爾繼續其強大威脅力, 多次突破成功, 而且更有2球有威脅既遠射不過被救出而已, 似乎馬素爾已經重拾佳態, 而其加速既威力真的很快, 迪米捷利斯交出醫院波給祖赫特, 但其實馬素爾既速度非常驚人, 突然既加速令祖赫特不得不落地解圍, 因而受傷。不過要留意一點既係, 佢爆落底線既一招, 開始被人看穿, 雖然有些後衛即使看穿也未能招架, 但此明刀明槍實屬不夠, 也增加其受傷既風險, 要增加多一點既套路例如切入遠射。總托而言, 今仗馬素爾是曼聯陣中最重要既攻擊點。


前鋒既拉舒福特, 以其18歲之齡能於出道戰的歐霸賽事便梅開二度, 對阿仙奴也取得入球, 而且今仗是人生首個曼市打比也能一箭定江山, 實屬年青有為。今仗非常勤力, 而且其速度及盤扭也見威脅, 16分鐘接應馬達既傳球, 簡單, 直接的便扭過迪米捷利斯, 而埋門既處理都非常冷靜, 快腳一射, 入網, 就這樣為球隊領先。其實拉舒福特今仗仍有獲得12碼既機會, 但球証先生認為此子被絆跌是意外, 但慢鏡看到真的有被絆跌的嫌疑, 不過賽事尾段抽筋收場, 卻顯出雲高爾係時候 ( 其實我K11早於2場之前已提及不如讓此年青人休息一下吧 )給予他一個休息既時間, 好好溫下書架喇!


到了戰術分析, 我們來看看今仗以舒拉達連取代費蘭尼出任防中負責掃蕩既位置, 此舉非常正確, 因為費蘭尼既速度不夠, 應會被曼城球員搓到頭暈, 而舒拉達連所做既工作只是適當施壓, 令曼城中場威脅減至最低, 非常有效。當然我K11最想仍是舒拉達連作為定位防中, 小豬為掃蕩型中場出現, 但可能小豬狀態未夠吧。

而到了下半場, 領先既優勢維持既時候, 其實可以考慮換入迪比或贊奴沙等等擅踢反擊既球員, 使曼城後防多一點威脅也好。當然, 換人只有3個名額, 所以雲高爾要特別留意連場正選既球員狀態與體力回復問題, 這便可以減少賽事期間因體力或受傷而引致既換人, 令可換人既空間更加靈活。


總結整場賽事既數據, 曼城明顯佔優, 只是拿華斯雖然有多次射門但均未能中龍, 阿古路也相當活躍, 不過值得一讚既係曼聯眾將既高度集中力, 特別一讚是史摩寧及達米安等等後防線既封位與包抄, 而且中場既卡域克及舒拉達連令曼城中場威脅力減至最低, 從迪基亞未需要表演神救便略知一二。
加上馬達既一記關鍵傳球, 拉舒福特既一個冷靜處理成就此勝仗, 踢出爭氣波。當然阿古路近距離頭鎚攻門中柱不入也是運氣既因素。接著便是國際賽期, 希望體力已出現警號既球員可以好好休息, 防止再現受傷潮既出現, 而且希望曼聯可以維持今仗既發揮, 成功奪回歐聯入場卷。


在此感覺各位支持文字直播及即討區既朋友仔! Manchester is red!!!


我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

留言


請按此登錄後留言。未成為會員? 立即註冊
    快捷鍵:←
    快捷鍵:→