[WKD手記] - 變

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/




悶和修咸頓後,有部份主場球迷似乎以噓聲表達不滿,認為愛隊最近已經失左唔少分但心態仲懶懶閒,單單呢場波就反映到攻不銳守不穩嘅問題。進攻方面十五次起腳都迫唔到對面門將麥卡菲做啲高難度撲救,另一面就多得迪基亞繼續上身先幸保不失。隊波踢得差,好自然會歸咎於摩連奴,甚至開始質疑佢嘅管治手法,亦有球評家認為佢令到某啲球員愈踢愈差。盧卡古同伊巴齊齊養傷,意味住曼聯進攻套路一定要變,變得有幾快有幾成功就視乎筆者成日講嘅Plan B。如果呢場波唔合格,咁岩岩客勝愛華頓有無挽回你地多少信心呢?

盧卡古傷出令全隊要即時面對打短傳嘅課題,而當晚佢地完全交唔到功課。尤記得盧卡古季初經常係禁區頂現身迎波同中場打短做配合,但日子耐左佢淨係要係前場瘋狂搶點擔位Hold波已經分身不暇,隊內攻擊中場嘅表現無之前咁生,加上佢場場英超都踢足咁滯,佢慢慢就變返果種純中鋒嘅踢法。雖然左楊右華兩閘開弓製造到好多機會俾佢入波,但某程度造成左對高空波嘅依賴,普巴復出後首當其衝就要帶頭改善返中路進攻質素。


拉舒福特入替後,球隊嘗試推快節奏,縮短傳球距離,臨完半場前有一段踢得頗流暢。不過更加令人印象深刻嘅應該係米希達恩,因為淨係上半場佢已經浪費左三次反擊機會,而且幾乎倒模咁三次都左腳傳左去無人地帶。佢嘅身體語言反映到信心有幾低,好似完全唔知隊友想點唔知自己應該點做,再唔積極回復返狀態同心態,係曼聯嘅日子只會倒數得愈黎愈快。


下半場踢法反而仲退步左,再次放棄中路突破,繼續依賴側擊。當對手識穿中鋒搶唔到高點,兩邊出波威脅大減之餘,後衛就更易企位迫兩翼落底出波,呢點令到球評家將分析焦點放左係普巴身上。史高斯掛靴後雖然彈多過讚,但有一點佢講得無錯,普巴的確有哂任何中場需要嘅條件,但佢天生就係想同適合做致勝球員。唔係話無名英雄無價值,而係佢有能力同性格做最關鍵一腳,所以佢唔會係派路、卻奧斯果種風格,反而係識放長波之餘仲會殺埋入禁區嘅球員。


其實呢場波就算將普巴推前一格都未必會踢得出對愛華頓嘅水準,因為班球員真係好攰。微細如馬迪落中堅位攞波時兩隻中堅都唔散開少少拉空位就決定左賽果,踢到七十分鐘我已經認為最多都係和氣收場。連加特踢攻中處處現位,連馬達都要讓路踢返右中場,盧卡古踢前鋒時佢仲做到輔鋒工作,同普巴更加心靈相通,剩低要解決嘅反而係靴里拉踢防中同馬迪嘅體力問題。


曼聯要點捱過呢一段聖誕快車,關鍵係球迷願唔願意俾多啲掌聲,少啲噓聲。表現差如米希達恩咁,佢有幾多實力點會唔知,賞罰分明既摩帥都肯繼續俾時間佢,我地又點可以咁快放棄呢?梳爾之前咪又係俾摩帥批評到一棟都無,呢幾場進步左幾多有目共睹,要信球隊返緊正軌!



============
想唔想每次返屋企都可以見到費SIR?或者將費sir嘅經典時刻日日掛係身邊?如欲訂購「RS費格遜鎖匙扣」 同埋 「RS費SIR時間鎖匙扣」請詳閱: https://goo.gl/XVBs4W
============
如欲購買曼聯官方產品,可到RS與曼聯官方網店United Direct合作的連結: https://goo.gl/AEAN9y
============
IG: https://www.instagram.com/roycesports_mu.fergie/


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Ming Wa Lee
    Ming Wa Lee 於 07/01/2018 評論 NO. 1

    曼聯而家總算打得似模似樣...

  • Keith Mak
    Keith Mak 於 07/01/2018 評論 NO. 2

    地面組織其實好過兩邊斬,其實宜家隊波踢落同椰子教嗰陣無乜分別,只係後防穩陣左。

  • Daniel Wong
    Daniel Wong 於 07/01/2018 評論 NO. 3

    教下D球員傳波走位,one2組織。依家11個球員都識防守又點?

  • Man Kit Loi
    Man Kit Loi 於 07/01/2018 評論 NO. 4

    泊更大的巴士

  • David Ng Yu Ming
    David Ng Yu Ming 於 08/01/2018 評論 NO. 5

    弱點明顯係把握力,呢啲應該同訓練方法有關

快捷鍵:←
快捷鍵:→