[WKD手記] - 蓄勢待發!

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


國際賽期前在主場迎戰頹勢未止的水晶宮,三分應該十拿九穩,最後亦不負眾望大勝四粒。同樣是四比零,但今次是贏得最有說服力的一場。與其話係曼聯踢出超水準,不如話水晶宮完美解釋左點解佢地處於榜尾而未入一球。當然,曼聯全場控制住局面亦係實力嘅表現,作為雙紅會嘅前一場比賽,我地當然收貨喇。



比賽發展異常簡單,就係我地上下半場各一球早段入波令水晶宮完全無法執行賽前部署。上半場客隊尚有積極嘗試迫和,但下半場幾乎是抱住破蛋、爭取個人表現嘅心態黎踢,試問咁樣又點可能踢得贏而家呢隊團隊至上嘅曼聯呢?

賽前有傳受傷而無法上陣嘅盧卡古同費蘭尼都出任正選,前者繼續交出入球,爆炸頭更加做埋最佳球員添。無論外界點質疑曼聯今季重奪聯賽嘅可能性,佢地都無法否認呢隊波係進攻上係非常立體嘅。

表面上,我地買入盧卡古後就係為左靠高波搵食,甚至似當年莫耶斯九九八十一斬戰術。非也!以前我地每一次傳中只係因為中路塞車、組織乏力而迫於無奈地斬出黎;而家係只要有波在腳,打短波定長波我地都有方法入波。對防守方黎講,呢度已經有好大差別,因為佢地唔可以再係禁區內佈防,而要將防守範圍向外推。


馬達、米希達恩同拉舒福特各有突破同中路造波嘅能力,有更多空間俾兩閘疊馬助攻,所以見到近兩季有好多機會Early Cross,亦造成唔少入波。再者,由於高點選擇不再得費蘭尼一個,所有死球都變得有威脅,仲記得費爵爺離開後幾季以來差唔多未試過用角球造成入波,人地就更加唔怕將個波清出底線。今場馬達入果球波正正顯出左當人地掛住盯實盧卡古費蘭尼時,反而會走甩較矮嘅馬達,防守球員走少一步就會空哂任人射。


防守方面今場可謂完全無受威脅,雖然水晶宮係上半場有一小段時間嘗試反撲,但實質做到嘅攻勢少之又少。史摩寧久休復出,頭鎚判斷準確、生波處理冷靜,有望重回受傷前嘅狀態。鍾斯繼續當弗,可惜賽後又證實受傷,連國際賽都無法上陣,雙紅會可能見佢唔到。


十字軍名單陸續增加,但摩連奴已經有哂心理準備。今季全隊狀態有明顯提升,接近每一個位置都有後備,稍一不慎就會被搶去正選位置,所以傷兵不會影響爭冠心態。摩帥之前用冷淡嘅方式回應普巴傷勢就係為左向球員重申球隊目標,免得佢地分心。

國際賽後兩日就要作客晏菲路球場,未知曼聯會唔會踢得守勢一啲,但我好有信心佢哋可以踢出水準!

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • wombat
    wombat 於 07/10/2017 評論 NO. 1

    雙紅會我古曼聯直線入兩粒,角球一粒,左路攻入一至兩粒, 4/5比0

  • 林啟鴻
    林啟鴻 於 07/10/2017 評論 NO. 2

    沒問題!

  • Ball  Tong
    Ball Tong 於 08/10/2017 評論 NO. 3

    又傷一個,,爆炸頭

  • Kenny Law
    Kenny Law 於 08/10/2017 評論 NO. 4

    渣古都傷咗

  • Tsui Tsui Tsui
    Tsui Tsui Tsui 於 08/10/2017 評論 NO. 5

    係時候破偽金身

  • Dylan Lu
    Dylan Lu 於 08/10/2017 評論 NO. 6

    摩連奴唔想赢既比賽從來未输過

  • Brian Poon
    Brian Poon 於 08/10/2017 評論 NO. 7

    最衰都係瑞典要費蘭尼出場傷左啦

  • Edward Yu
    Edward Yu 於 08/10/2017 評論 NO. 8

    摩佬拎唔到3分都格硬迫和你 泊大巴再打反擊

  • Donald Choi
    Donald Choi 於 08/10/2017 評論 NO. 9

    "兩閘疊馬助攻"
    唔係疊瓦式助攻咩。。。。

快捷鍵:←
快捷鍵:→