[WKD之曼迷周記]-總結(讀者投稿)

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


投稿至今啱啱好第二十篇文章, 寫完之後會好似班曼聯球員咁暫別一陣。 多謝Royce Sports一路俾好大自由度我寫野, 請大家繼續向身邊嘅紅魔鬼分享呢個咁有心機嘅專頁! 講返曼聯, 漫長嘅球季終於落幕, 有無諗過今年我地會經歷咁多高低起伏? 只講數字摩連奴同雲高爾係聯賽嘅成績無甚分別, 但球隊上下嘅表現出黎嘅信心同鬥志, 你又感唔感受到?


返翻去八月, 摩連奴接手, 米希達恩、普巴、伊巴強勢加盟, 單單係呢啲新閒已經令我地深信今年一定可以重返爭標份子嘅行列。 我份人一向都唔鐘意太樂觀, 而且我認為當時曼聯要解決嘅問題並非人手不足, 而係點樣將陣中一啲有質素嘅球員打返起。 另外我最擔心嘅就係摩帥究竟會點安置朗尼呢位逐漸走下玻嘅隊長。 經過左大半年, 我就非常滿意佢係呢兩個問題上嘅處理方式。 曾經以為走硬嘅馬達、 買返黎雪左幾個月嘅米希達恩、甚至加盟咁耐就俾人罵足咁耐嘅費蘭尼, 都一一搵返屬於自己嘅位置, 係戰術入面發揮到最擅長果瓣。 至於朗尼, 佢無再獲得優待場場踢足, 而要同其他球員一齊爭取正選, 呢個做法對任何人都有利無害, 朗尼嘅狀態亦都回復返些少。



季初中場有人滿之患, 加上普巴太全能嘅關係, 曼聯無辦法搵到一個攻守平衡, 分工清晰嘅陣式。 迪比、 小豬、舒拉達連證明唔到佢地係摩連奴需要嘅人,只能相繼離開。 以普巴為核心既中場出現過好多組合,但曼聯仍然唔知點先踢得出水準,係呢個過程我地失左好多分,爭標變為爭四。季尾終於見到佢地好清楚自己崗位,開始培養出執行戰術嘅紀律,起碼證明佢地方向正確,來季應該會更加進步。



依家嘅曼聯有一點仲未比得上摩連奴以前執教過嘅冠軍球隊,就係佢地領先時轉踢守勢波時會非常唔自然,彷彿適應唔切當下要點樣執行防守工作,中場線縮得過後但企位缺乏一致性,反而造成更多漏洞。相反,如果一落場就以守代攻,佢地絕對可以踢出高效率嘅穩守突擊,完勝車路士就係最佳例子。第二季再無藉口賴默契不足,可唔可以成為銅牆鐵壁就睇班球員造化。


攻力方面我地見證住曼聯由中路塞車到兩閘兩翼解放,由只靠伊巴柱躉到福仔連加特以速度致勝,慢慢踢出呢個進攻班底應有嘅多變性。令人在意嘅係幾位年輕鋒將同伊巴嘅實力、經驗同風格差距始終太大,即使後者留隊都應該簽多一位制空力強身位好,而非基沙文呢類突破型前鋒,咁先可有更加彈性嘅變陣,否則可能要繼續推費蘭尼上去做替工。


成績只能反映現況,而一個領隊係球會裡面仲有無將來就取決於佢得唔得到球員嘅信任。一旦無法認同領隊嘅管理手法或者足球哲學, 佢地就好難為球隊賣命, 甚至乎會搞更衣室政變, 球會再俾更多嘅時間都係徒然。 當年莫耶斯及雲高爾無一幸免, 車仔年代摩連奴都曾經深受其害。 今季迷茫嘅時間唔少, 但解決難題唔再只係領隊嘅責任, 全隊都非常拼博同積極。 摩連奴會犯錯, 試嘅戰術亦失敗過, 但再試下一個戰術時球員依然充滿信心, 甚至努力爭取正選希望成為變陣成功嘅一塊拼圖。 留係一隊入面嘅人, 每一個都被告知有機會上位, 淨係呢份令球員之間良性競爭嘅影響力, 已經肯定左摩連奴今季嘅貢獻。 來季要贏更多獎盃!


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • @michael@
    @michael@ 於 02/06/2017 評論 NO. 1

    費爵爺,莫耶絲,雲高爾,摩連奴。莫耶絲欠缺冠軍成就,管治唔夠強硬,令更衣室氣氛沉寂,臨場有戰術,但球員質疑,所以戰術變四不像。雲高爾強勢管理,連球員私人時間生活亦受監管,令球員人人自危,無法互相信任,心態缺乏自信。摩連奴初到曼聯,拆除球場及走廊的天眼(保安設備除外),更自己帶手提電腦到球場,將雲高爾的監督一一拆除,佢明白到曼聯球員欠缺的係自信及互信,並非球員技術。經過皇馬及車仔,摩連奴更明白,球員心態的重要性。所以球場上,更衣室內外,今季散發出生氣及拼搏。

  • @michael@
    @michael@ 於 02/06/2017 評論 NO. 2

    球隊並不欠缺領袖,卡神,朗尼,華倫,但始終欠缺費爵爺時代的霸氣及激情。誰能帶起當年般每當入球後的咆哮,互擁。加薪事件後朗尼已經欠缺隊友精神支持,只不過是當時為一依賴。所以摩連奴有必要加入領袖式人物,伊巴及普巴。簽伊巴係賭博,因為年紀太大,唔知能否壓場?而普巴會培養成日後的靈魂人物。當然商業上亦有一定價值。

快捷鍵:←
快捷鍵:→