[K11 出品] 曼聯K角度 – 崩潰的6分鐘

Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

開波前塞車的小風波, 讓人一種不祥預感, 但開波後踢落的一場平穩均勢波, 卻於科素文沙傷出後產生突如其來的變化, 6分鐘的時間, 足夠曼聯崩潰的連失3球, 但其實下半場開波的換人調動, 已經令這場敗仗有跡可尋, 最後作客白鹿徑被熱剌3比0大炒一場, 也再次讓追逐前4的希望遠離了。6分鐘怎讓曼聯崩潰地連失3球? 等我K11同大家一場回憶一下! 命運, 從不在手!


出場陣容為龍門是迪基亞, 後衛由右至左分別是科素文沙, 史摩寧, 白蘭特, 洛荷, 防中由卡域克與舒拉達連出任, 進攻線由右至左為馬達, 連加特及馬素爾, 單箭頭為拉舒福特。後備席上有華倫西亞, 達米安, 什至乎是傷癒既楊格, 但右後防正選為科素文沙, 這調動奇怪嗎? 在我K11而言, 馬後炮也好, 我認為正常不過, 尾段既賽後分析再同大家詳情傾一傾。


迪基亞既上半場不算忙碌, 最忙碌只是26分鐘自己製造給自己既, 出迎時有少許甩手不過很快已修正加上科素文沙幫忙包波下, 只算虛驚一場。可是下半場50分鐘開始, 便是迪基亞今場的惡夢了, 艾歷臣先黎一個冷箭被迪基亞救出, 接連再救出艾里既遠射, 之後哈利簡尼禁區邊一個轉身快射再被迪基亞接實。65分鐘, 熱剌既傳中省中回防既馬達改變方向直向龍門飛去又被迪基亞救出。大難不死吧? 錯了, 69分鐘, 熱剌乘曼聯後防一次誤會既混亂, 艾里接應艾歷臣傳中射成1:0, 73分鐘, 熱剌既艾達維達接應罰球一個頭鎚頂中死角成2:0, 75分鐘由林美拉再次接應乓中射成3:0, 3球之中, 迪基亞基本上都欲救無從。未完的, 78分鐘哈利簡尼既頭鎚攻門幸好被迪基亞救到……完了, 終於都, 可惜, 就這樣失了3球。


後防方面, 先說科素文沙, 此子壓倒意大利國腳達美安, 厄瓜多爾國腳華倫西亞成為右後防正選, 似乎呢一著真係雲高爾先夠膽, 不過由於科素文沙上場有出色表現, 助攻馬素爾射入致勝球, 今仗續獲正選, 也說得通。而且, 科素文沙既表現也說服一眾想批評既人, 多次既包波包括28分鐘救番迪基亞甩手一命, 緊貼既防守., 而且其速度也不弱, 10分鐘既助攻切入射門也什具威脅, 不過省中人成角球而已。可惜67分鐘便因傷離場, 而曼聯也從2分鐘後便開始崩潰。不過對於科素文沙, 雖然潛力無限, 但是他勇於追貼對手球員, 由右閘位置追至中路偏左, 如果對手醒目一點, 便以此為計, 引開一條大直路讓自己的左閘球員助攻了, 馬達今仗也不時包回閘位幫忙。其實, 我K11覺得科素文沙如果於防守中場位置出現, 應該相當恐怖, 有著一種馬基尼利既影子, 而且, 佢助攻既能力比馬基尼利更強…………….即管觀察一下此後生仔既發展吧。


67分鐘入替科素文沙既達美安, 其實表現唔算差, 而且也有其一向穩定既防守, 不過偏偏3個入球既起動點也要由右後防位置產生, 令人覺得是否達美安既問題, 客觀一點, 似乎是中路防守既問題多一點。
左路既洛荷今仗表現一般, 雖然未有大錯, 但第二個失球便因洛荷未能跟貼艾達維達被對手頂死角入網, 可是制空力一向不是洛荷既強項, 而且艾達維達既頂上功夫今季已顯露不少, 過份責怪洛荷也是不切實際的了, 而其餘時間洛荷既表現中規中矩, 偶有助攻但未見大作用。


中堅方面, 史摩寧算是表現穩定既一位, 其實其位置, 路數及包波已經令曼聯後防可以安定不少了, 不過第一個失球便因其與白蘭特產生誤會後相撞, 從而讓熱剌有機會打穿後防………….。另一中堅既白蘭特, 正是第一個失球與史摩寧誤會後產生, 而短短既6分鐘後, 由於未能緊貼林美拉被對手佔了先機射成3:0, 其餘時間, 白蘭特未算有太大問題, 不過2個失球也與他有關, 難免再次成為罪人…..而其實, 防中也有著問題…………..


防中由卡域克顆拍舒拉達連, 舒拉達連, 其實今仗也在中場有著第一道防線, 不時的走動與防守, 其實已經為曼聯後防減低不少壓力的了。可是另一防中卡域克, 在我K11而言, 直話直說, 有點可有可無, 接近隱形了一樣, 卡域克的經驗有一定價值, 但他的動力似乎真的不夠, 如何面對今季火熱的熱剌中場線呢? 他的位置作為定位防中, 已經不用他怎樣走動, 而且曼聯最需要佢既就係穿越球, 今仗看不到多少, 反而白蘭特反而還可以從後場交出不少穿越球到中前場, 哪麼, 為何不試試靴里拉? 可能上半場想穩守, 但既然中場換入楊格是想再增加前場一點活力, 靴里拉就更能提昇曼聯中場活力了, 再將舒拉達連退後半格便可以了………………………..


進攻球員方面, 右路既馬達, 其實今仗非常非常勤力, 多次回防幫助防守, 這點是值得欣賞既, 可是當進攻既時候, 馬達於右路既能力的確不夠, 找不到致命傳送, 而且由於熱剌既中場壓迫力足夠, 馬達可以睇定黎交既機會接近零……………….76分鐘由迪比入替! 入替後既迪比, 由於已經是3:0既比數, 加上佢最近已經失寵, 似乎沉不著氣, 與獲加在熱剌右邊角球旗發生小爭執, 最後雙雙領黃, 餘下接近20分鐘, 也沒有什麼亮點再於迪比身上找到了………….


再次位於10號進攻中場位置既連加特, 今仗繼續其勤力跑動, 可惜相比艾里及艾歷臣便相形見絀, 只得機動力, 卻沒有創造力………雖然佢自己都明言佢希望想踢呢個10號進攻中場位置, 對愛華頓一仗也開始有點效果, 但重點是看對手既實力, 下仗主場對維拉, 應該無問題既…….!

左翼既馬素爾, 繼續成為球隊最有威脅球員, 不過對手熱剌也不好應付及已早有防備, 當馬素爾一觸球, 熱剌球員便自然的來了最少2名, 但馬素爾仍然於61分鐘能於左路發難, 個人扭過3名熱剌防守球員後大位射門, 可惜狂抽太正中, 今仗相對得閒既洛里斯救出硬射, 接著便是崩潰6分鐘既展開, 而馬素爾及後因迪比入場改踢前鋒下也慢慢隱形了…………………


單箭頭既拉舒福特, 今仗觸球時間不多, 但其實當有皮球時, 他也嘗試推進, 可惜沒有任何功效, 上半場既文字直播內, 基本上沒有出現他的名字, 而下半場由楊格入替。久休復出既楊格, 一復出便出任已經多年沒有出現的箭頭位置, 可能大家淡忘了, 其實楊格初出道時是一名翼鋒及箭頭球員, 只是不擅背向對手的前鋒。

可是經過多年既洗禮, 加上近年轉往閘位既楊格, 不知怎的原因, 一傷癒便被雲高爾派往單箭頭。而雲高爾既解釋是希望下半場前場可以多點空間, 而楊格就可以乘著出黎既空間得到機會, 可惜既係, 一名已經不習慣該位置既球員加上年紀已經不輕, 是很難發揮得到的, 結果楊格既功效就是跑跑跑, 與隊友既配合也不見得多, 反而控定後交失皮球既印象就有一二次………….罪不在他! 當迪比入場後, 換回右翼位置出現………….可惜已經為時已晚了。

來到了賽後分析, 首先想說說既係科素文沙既正選出現, 其實科素文沙正選既出現, 要與馬達出現於右翼作為配合, 以上都提及過, 馬達速度不夠, 加上於右翼位置令其戰鬥力減半, 絕對要有一名快速及靈活既閘位球員幫其配合, 達美安的防守力比助攻力強, 明顯不是此類型。華倫西亞有著此能力, 不過上仗對愛華頓助攻既一球, 科素文沙表現出與拉舒福特年青球員既默契, 似乎雲高爾想重拖故技, 開波10分鐘科素文沙便已經助攻入禁區找尋射門機會。 可是熱剌的料子不少是事實, 拉舒福特沒有上仗哪麼輕鬆, 馬達觸球後也沒有哪麼多時間讓他思考, 自然地, 科素文沙也沒有哪麼多機會助攻了, 如意算盤打不轡了。


另一問題, 當然便是半場換入楊格踢正前了吧, 此換人完全看不到任何一點點的成效, 相反, 由於楊格不自覺地會走到邊線, 令對手後防的壓力減輕了! 既然如此, 何不試試喜歡個人突破既迪比於正前呢? 其實之前我K11也在文章內說過, 迪比雖然現在仍有很多缺點, 但此子的潛力是一定有的。 其實楊格既類型與拉舒福特踢正前不會相差太遠, 但楊格於此位置是弱版, 要變, 不如變風格, 迪比的風格跟拉舒福特便是2碼子的事了, 可能有一個驚喜, 結果現在是驚沒有喜………………..雲高爾的即場換人調動, 入主曼聯後, 出名差………..雖然科素文沙的調動是迫不得已, 但似乎維持著換人後不久便失球既個人紀錄, 而且也打破自己每每對住強隊也有好表現既紀錄這就出崩潰的6分鐘。


周中要應付足總盃8強重賽, 現在唯有專心準備下場比賽, 而且, 今季餘下相信仍是雲高爾執教下, 各位曼迷, 撐埋佢。感謝各位支持文字直播及即討區既朋友, 下星期英超聯賽主場對維拉時再見了!

Royce Sports 曼聯.費格遜 係 Royce Sports 既曼聯中心。係呢度你會搵到曼聯既轉會消息,賽前分析,賽後分析/評分,賽事精華,曼聯點將錄,曼聯家書,仲有更多更多!咁你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Kin12
    Kin12 於 12/04/2016 評論 NO. 1

    前鋒踢左翼;左翼/右翼踢前鋒;十號踢右路;右路踢十號。 戰術大師好嘢👍🏻

  • Cha Shao Bao
    Cha Shao Bao 於 12/04/2016 評論 NO. 2

    換費蘭尼斬入去最好

  • John Chan
    John Chan 於 12/04/2016 評論 NO. 3

    Damian responsible for all three goals

  • Sai Cheung
    Sai Cheung 於 12/04/2016 評論 NO. 4

    可能開始老人痴呆...將7號9號18號調亂晒

  • Kenny Wong
    Kenny Wong 於 12/04/2016 評論 NO. 5

    踢正前, 迪比好過楊格 - 鴨雪六梨

  • Lau Kin Fai
    Lau Kin Fai 於 12/04/2016 評論 NO. 6

    大把人踢正前都好過搵羊踢啦。場上有馬斯亞,後備爆炸頭迪比都好過羊,真係唔知92想點

  • James Li
    James Li 於 12/04/2016 評論 NO. 7

    老老豆豆其實睇blind踢中堅睇到炆

  • 謝灌剛
    謝灌剛 於 12/04/2016 評論 NO. 8

    猜贏踢前鋒猜輸守籠,你地諗多咗

  • Cheuk Hang Law
    Cheuk Hang Law 於 13/04/2016 評論 NO. 9

    換羊入黎踢左路 馬仔上正前 其實果一刻我係咁諗 點知出到黎唔係咁🙈

  • Frankie Lam
    Frankie Lam 於 13/04/2016 評論 NO. 10

    前面攻唔到,後面一傷個後生仔即刻被收皮

  • Leong Sio Hoi
    Leong Sio Hoi 於 13/04/2016 評論 NO. 11

    V92白蘭特跟本不是中堅材料,以前好多危機發生在他身上,點解一定要用他,正式死牛

  • Cheuk Him Tom Lee
    Cheuk Him Tom Lee 於 13/04/2016 評論 NO. 12

    唔轉好過轉。。。上半場打得好地地,無啦啦換人仲乜春?
    位換位之餘,個人仲要唔岩位嘅=0=

快捷鍵:←
快捷鍵:→